У Беларусь ідзе цёплая паветраная маса

Гэта адаб’ецца на надвор’і ў краіне.

2 лістапада пагодныя ўмовы ў Беларусі ў асноўным будуць вызначаць вобласць павышанага атмасфернага ціску і цёплая паветраная маса, удзень па паўночна-захадзе адаб’ецца ўплыў малаактыўнага франтальнага раздзелу. Хмарна з праясненнямі, паведамляе Белгідрамет.

Без істотных ападкаў, толькі ўдзень месцамі, пераважна па паўночна-захадзе краіны, пройдуць невялікія дажджы. Уначы і раніцай у асобных раёнах будзе згушчацца туман. Вецер паўднёва-ўсходні ўмераны. Уначы мінімальная тэмпература паветра складзе +1..+7°С, максімальная тэмпература ўдзень будзе +8..+13°С, па паўднёва-захадзе рэспублікі паветра прагрэецца да +16°С. Атмасферны ціск будзе зніжацца.

3 лістапада адаб’ецца ўплыў франтальнай сістэмы і цёплых паветраных мас, што перамяшчаюцца з паўднёвага захаду Еўропы. Хмарна з праясненнямі. Уначы месцамі, удзень на большай частцы тэрыторыі краіны пройдуць дажджы. Уначы і раніцай у асобных раёнах чакаецца слабы туман. Вецер паўднёвы, удзень з пераходам на паўночна-захадні, умераны, удзень парывісты. Мінімальная тэмпература паветра ўначы складзе +4..+10°С, максімальная ўдзень будзе вагацца ад +9°С у паўночна-захадніх раёнах Беларусі да +17°С у паўднёвых.

4 лістапада надвор’е працягне вызначаць франтальная сістэма, якая павольна зрушаецца ў ўсходнім напрамку. Хмарна, удзень з праясненнямі. Уначы на большай частцы тэрыторыі краіны, удзень месцамi чакаюцца кароткачасовыя дажджы. Уначы і раніцай у асобных раёнах слабы туман. Вецер пераменных напрамкаў умераны. Уначы мінімальная тэмпература паветра складзе +3..+9°С, максімальная ўдзень будзе +7..+13°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com