Уладальніца прэміі міру падтрымала «эскалацыю» ЗША супраць Венесуэлы
3- 1.11.2025, 23:09
- 2,846
Марыя Мачада лічыць ваенную аперацыю адзіным шанцам звяргнуць рэжым Мадура.
Лаўрэатка Нобелеўскай прэміі міру 2025 года Марыя Карына Мачада падтрымлівае магчымую «эскалацыю» ў адносінах паміж ЗША і Венесуэлай, бо лічыць гэта апошнім шанцам звяргнуць дыктатара Нікаласа Мадура. Адпаведную заяву яна зрабіла ў інтэрв’ю Bloomberg (пераклад — «УНІАН»).
Марыя Мачада — апазіцыйная актывістка з Венесуэлы. Менавіта за гэтую апазіцыйную дзейнасць ёй і прысудзілі Нобелеўскую прэмію міру некалькі тыдняў таму.
У верасні і кастрычніку гэтага года ЗША патапілі ў Карыбскім моры некалькі суднаў, якія перавозілі наркотыкі з Венесуэлы. Цяпер Трамп ужо публічна разважае пра магчымае ўварванне ў Венесуэлу. Журналістка спытала, як Мачада, лаўрэатка прэміі міру, ставіцца да магчымай наземнай аперацыі ЗША супраць Венесуэлы.
— Я лічу, што эскалацыя, якая адбылася, — гэта адзіны спосаб прымусіць Мадура зразумець, што прыйшоў час сыходзіць. Гэта эскалацыя — апошняя магчымасць для тых, хто ўсё яшчэ падтрымлівае Мадура, зразумець, што ім трэба пазбавіць яго любой падтрымкі, а самому Мадуру — зразумець, што гэта апошні шанец сапраўды садзейнічаць мірнаму і ўпарадкаванаму пераходу, чаго мы хочам, за што мы змагаліся, — сказала яна.
Мачада падкрэсліла, што рэжым Нікаласа Мадура сфальсіфікаваў вынікі 35 выбараў рознага ўзроўню ў Венесуэле, што народ выходзіў на мірныя пратэсты, але іх жорстка падавілі.
— Мы ўрэшце прадэманстравалі, мы перамаглі, а потым на нас напалі. У нас былі тысячы пратэстаў, мірных мітынгаў, дэманстрацый. Мы пераспрабавалі ўсе інстытуцыйныя сродкі, — сказала Мачада.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
