Лукашэнка клянчыць у Расіі грошы

Ёсць праблемы з выплатамі па даўгах.

Мінск разлічвае на фінансавую дапамогу Крамля, каб плаціць у наступным годзе па сваіх даўгах, піша сайт «Беларусы і рынак».

Пра гэта на пашыраным пасяджэнні камісіі так званай палаты прадстаўнікоў заявіў міністр фінансаў Беларусі Юрый Селіверстаў.

Паводле яго слоў, аб'ём дзяржаўнага доўгу, які трэба пагасіць у наступным годзе, складае 17,7 млрд рублёў.

«Для пагашэння спатрэбіцца прыцягваць дадатковыя рэсурсы, якія мы плануем атрымаць у рамках фінансавай дапамогі Расійскай Федэрацыі ў адпаведнасці з раней дасягнутымі дамоўленасцямі», — таксама сказаў міністр.

Селіверстаў дадаў, што ўлады будуць працаваць і над рэфінансаваннем часткі дзяржаўнага доўгу. Мінфін працягне запазычваць грошы на ўнутраным рынку праз аблігацыі. Плануецца размясціць іх прыблізна на 560 млн рублёў.

Таксама на абслугоўванне доўгу спатрэбіцца яшчэ 6 млрд рублёў. Яно будзе ажыццяўляцца за кошт даходаў бюджэту.

Нагадаем, законапраект аб рэспубліканскім бюджэце на наступны год быў унесены ў Палату прадстаўнікоў 31 кастрычніка.

Выдаткі плануюцца ў памеры больш за 58,7 млрд рублёў, даходы — прыблізна 54,4 млрд рублёў. То-бок закладзены дэфіцыт каля 4,3 млрд рублёў. Для параўнання: на гэты год планавалі амаль 4,5 млрд рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com