Што стаіць за «мастападам» у Кітаі
10- 13.11.2025, 13:15
- 12,248
Надзвычайнае здарэнне ў правінцыі Сычуань — другі буйны інцыдэнт за некалькі месяцаў.
У кітайскай правінцыі Сычуань абрынуўся мост Хунцы, адкрыты ўсяго некалькі месяцаў таму. Інцыдэнт выклікаў сур'ёзныя сумневы ў якасці маштабных інфраструктурных праектаў, якія рэалізуе Пекін, піша The Telegraph (пераклад — сайт Charter97.org).
Мост даўжынёй 760 метраў быў часткай нацыянальнай трасы, якая злучае цэнтральныя рэгіёны Кітая з Тыбэтам. Паводле відэазапісаў, распаўсюджаных у кітайскіх сацсетках, бачна, як частка канструкцыі раптоўна абвальваецца, скідваючы бетонныя пліты і воблакі пылу ў раку і на горны схіл.
Улады паведамілі, што ахвяр і пацярпелых няма — рух па мосце быў спынены за суткі да абвалу, пасля таго як інжынеры заўважылі трэшчыны ў апорах і на прылеглых схілах. Да паўдня аўторка сітуацыя пагоршылася: пачаліся апоўзні, якія прывялі да разбурэння пад'езднай часткі і дарожнага палатна.
Правінцыя Сычуань вядомая высокай сейсмічнай актыўнасцю. Менавіта тут у 2008 годзе адбыўся землятрус магнітудай 7,9, які забраў дзясяткі тысяч жыццяў — тады адной з прычын маштабных разбурэнняў называлі нізкую якасць будаўніцтва.
Абвал моста Хунцы ўзмацніў апасенні наконт надзейнасці кітайскіх інфраструктурных аб'ектаў і дастатковасці геалагічных абследаванняў. Улады называюць тое, што адбылося, «прыродным здарэннем», аднак эксперты ўказваюць на сістэмныя праблемы кантролю якасці.
JUST IN: 🇨🇳 Hongqi bridge collapses in southwest China, months after opening. pic.twitter.com/EK3YcWEjUy
— BRICS News (@BRICSinfo) November 11, 2025
Гэта ўжо другі буйны інцыдэнт за некалькі месяцаў: у жніўні ў правінцыі Цінхай абрынуўся чыгуначны мост, тады загінулі як мінімум 12 чалавек.
Хунцы быў уведзены ў эксплуатацыю ў студзені і павінен быў сімвалізаваць развіццё бедных горных раёнаў. Цяпер траса закрытая, адкрыты часовы аб'езд. Вядзецца расследаванне, тэрміны аднаўлення моста не называюцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
