Лукашысты закрылі краму, дзе прадавалі ёлачныя ўпрыгожанні з Геніюш

Іншых тлумачэнняў прыпынення працы не паведамляецца.

«Калядная Крама», у якой прадаваліся ёлачныя цацкі з выявай беларускай паэткі Ларысы Геніюш, не будзе працаваць 16 і 17 лістапада. Такое паведамленне з’явілася ў сацсетках крамы, піша «Зеркало».

У размешчаных аб’явах паведамляецца, што «Калядная Крама» часова не працуе.

«16 і 17 лістапада «Калядная Крама» зачынена па тэхнічных прычынах», — пазначана ў сторыз крамы ў Instagram.

Іншых тлумачэнняў прыпынення працы не паведамляецца.

Нагадаем, 14 лістапада з крытыкай на «Калядную Краму» абрынуліся прапагандысты. Іх абурылі выстаўленыя на продаж ёлачныя шары з партрэтам беларускай паэткі Ларысы Геніюш.

Праз пару гадзін пасля скандалу ўпрыгажэнні знялі з продажу.

Ларыса Геніюш уваходзіла ў Раду БНР, у 1943 годзе была прызначаная генеральнай сакратаркай урада БНР. У СССР Ларысу Геніюш асудзілі на 25 гадоў зняволення. Яе вызвалілі ў 1956 годзе, пасля чаго разам з мужам жыла ў Зэльве.

Геніюш не была рэабілітаваная ні напрыканцы 1980-х, ні ў незалежнай Беларусі. Некалькі гадоў таму прапагандысты пачалі новы крыжовы паход супраць памяці паэткі. Ля царквы ў Зэльве прыбралі помнік, усталяваны з благаславення мітрапаліта Філарэта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com