У брамах Віцебска прадаецца кватэра, у якой час спыніўся ў БССР
15- 2.11.2025, 15:18
- 8,980
Колькі яна каштуе і як выглядае знутры?
У знакамітым доме проста насупраць чыгуначнага вакзала ў Віцебску выставілі на продаж кватэру, у якой захавалася амаль некранутая атмасфера пачатку 60-х. Там і старая савецкая мэбля, і арыгінальныя дзверы. Нават плітка там, відаць, з таго часу, піша Realt.
Гэты дом на Кірава, 2 — адна з вежаў варот Віцебска, якія бачыць кожны, хто прыязджае ў горад цягніком. Бо чыгуначны вакзал — проста насупраць гэтых будынкаў.
Дом на Кірава, 2 быў пабудаваны ў 1960 годзе, але па сутнасці і па напаўненні гэта сталінка. Справа ў тым, што першапачаткова яго планавалі ўзвесці крыху раней, але з-за недахопу грошай здачу дома давялося перанесці.
Жыллё ў доме прызначалася ў асноўным для чыгуначнікаў, але тут жылі і розныя вядомыя людзі, у тым ліку Героі СССР.
Цяпер на Realt у гэтым доме выставілі на продаж двухпакаёвую кватэру, па якой можна ўявіць, як тут жылі літаральна пасля засялення. Бо ў ёй захаваўся інтэр’ер пачатку 60-х.
Кватэра знаходзіцца на трэцім паверсе. Плошча — 54,2 квадратнага метра. Вышыня столяў — 3 метры. Планіроўка вось такая:
Як бачым, пакоі ў кватэры ізаляваныя. Унутры яны выглядаюць вось так:
З вокнаў аднаго з пакояў адкрываецца від на Прывакзальную плошчу.
Кухня — амаль 8 квадратных метраў. Тут можна ўбачыць арыгінальную плітку, якая захавалася з моманту здачы дома.
Санвузел у кватэры раздзельны. У ванне — тая ж арыгінальная плітка.
У двары дома — шмат зеляніны і арыгінальная зона адпачынку з лаўкамі і нават міні-скульптурамі львоў.
Дарэчы, у 2026 годзе ў доме плануюць правесці капрамонт.
За кватэру просяць 57 тысяч долараў. Метр выходзіць па 1051 долару.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
