Daily Star: Пуцін хоча заставацца пры ўладзе да 97 гадоў

Названы нечаканы пераемнік расійскага дыктатара.

Прэзідэнт Расіі Уладзімір Пуцін хоча заставацца пры ўладзе да 2050 года, піша брытанскі таблоід Daily Star са спасылкай на журналіста-расследавальніка Ілью Давлятчына.

Паводле ягоных звестак, 73-гадовы Пуцін, які ўжо знаходзіцца ля стырна ў Крамлі даўжэй за ўсіх кіраўнікоў з часоў Іосіфа Сталіна, хацеў бы захоўваць уладу да 97 гадоў, а затым, магчыма, перадаць яе свайму сыну Івану. Яму цяпер 10 гадоў, а ў 2050 годзе будзе 35.

Дзейная Канстытуцыя, перапісаная ў 2020 годзе з «абнуленнем» тэрмінаў Пуціна, дазваляе яму заставацца прэзідэнтам да 2036 года, то-бок да 83 гадоў.

Па працягласці кіравання Пуцін ужо перасягнуў Піначэта (17 гадоў), Кіма Чэн Іра (17 гадоў), Беніта Мусаліні, інданезійскага дыктатара Сухарта (20 гадоў) і Нікалае Чаўшэску, які ўзначальваў Румынію 24 гады. Да канца пятага тэрміну Пуцін можа абыйсці Мао Цзэдун, а ў выпадку шостага — дагнаць Франсіска Франка (Іспанія) і Антонію ды Салазара (Партугалія), кожны з якіх кіраваў па 36 гадоў.

Калі ж Пуцін застанецца пры ўладзе да 2050 года, ён абыдзе Муамара Кадафі (42 гады), Кіма Ір Сэна (46 гадоў) і Фідэля Кастра (49 гадоў) і стане самым «даўгавечным» кіраўніком Расіі з часоў Івана Жахлівага, які кіраваў 50 гадоў (уключаючы дзіцячы ўзрост, калі фактычнае кіраванне дзяржавай было ўскладзена на баяраў).

Асяроддзе Пуціна актыўна займаецца пытаннямі падаўжэння жыцця расійскага прэзідэнта, а Міністэрству аховы здароўя ў верасні было даручана ў тэрміновым парадку сабраць усе даступныя навуковыя распрацоўкі па барацьбе са старэннем, пісала летась The Times са спасылкай на крыніцы, знаёмыя з сітуацыяй.

Паводле даных выдання, праект «лекі ад старасці» курыруе 77-гадовы Міхаіл Кавальчук, адзін з блізкіх сяброў Пуціна, які ўзначальвае Курчатаўскі навукова-даследчы ядзерны інстытут. Акрамя таго, у ім удзельнічае старэйшая дачка Пуціна, лекар-эндакрынолаг Марыя Варонцова.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com