У Беларусі будуць караць аператараў за дрэнны інтэрнэт

У Мінсувязі ўпершыню ўсталявалі нормы якасці інтэрнэту.

Беларусы даўно заўважылі, што інтэрнэт у краіне ў апошнія гады стаў працаваць адчувальна горш.

Напрыклад, мабільны трафік, бывае, не выцягвае нават у шматпавярховіках буйных гарадоў.

Аб праблеме часта выказваюцца ў Мінсувязі. Вось і першы намеснік міністра Павел Ткач распавёў у эфіры СТВ пра тое, як ведамства рэагуе на скаргі.

Паводле слоў чыноўніка, упершыню ў Беларусі пачалі больш адчуваць ціск на сеткі сотавай сувязі ў перыяд пандэміі, калі вялікая колькасць грамадзян перайшлі на «аддалёнку».

Павялічылася нагрузка на сеткі – павялічылася колькасць скаргаў.

Найважнейшая задача – каб аператары рэінвеставалі частку прыбытку ў развіццё сетак, лічыць Ткач.

«Не проста зараблялі і, дапусцім, вывозілі дывідэнды, а больш укладвалі ў развіццё сетак. Зарабіў грошы – накіруй іх, калі ласка, каб сетка стала большай і якаснейшай».

Больш за тое, у Мінсувязі ўпершыню ўсталявалі нормы якасці з пункту гледжання хуткасці ў дачыненні да абанента.

«З 1 студзеня, калі па выніках вымярэнняў будзе ўстаноўлена, што якасць аказання паслуг нездавальняючая, не адпавядае ўстаноўленым патрабаванням, аператары будуць несці адказнасць, у тым ліку будуць аштрафаваныя», – паведаміў першы намеснік міністра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com