Літва звярнулася да Еўракамісіі з-за заблакіраваных у Беларусі фураў

Вільнюс заклікаў Брусель умяшацца.

Міністры замежных спраў і транспарту Літвы Кястуціс Будрыс і Юрас Тамінскас звярнуліся да Еўрапейскай камісіі з просьбай тэрмінова ўмяшацца ў сітуацыю з літоўскімі грузавікамі, якія ўжо некалькі месяцаў не могуць пакінуць тэрыторыю Беларусі.

У лісце, накіраваным еўракамісарам Каі Калас і Апасталасу Дзідзікостасу, літоўскі бок просіць падрыхтаваць адзіную стратэгію Еўрасаюза адносна дапамогі еўрапейскім перавозчыкам, якія апынуліся заблакіраванымі ў Беларусі, а таксама выпрацаваць меры па ўзмацненні бяспекі на мяжы, дзе фіксуецца актыўнае выкарыстанне кантрабандных беспілотнікаў і паветраных шароў. Пра гэта паведамляе LRT са спасылкай на агенцтва BNS.

Літва патрабуе ад ЕС дамагчыся поўнага і безумоўнага вызвалення ўсіх еўрапейскіх перавозчыкаў і іх маёмасці, якія, паводле Вільнюса, утрымліваюцца беларускім бокам незаконна.

Акрамя таго, Еўракамісію заклікаюць падтрымаць увядзенне новага пакета санкцый супраць Беларусі – у тым ліку супраць службовых асобаў, датычных да запуску паветраных шароў з кантрабандай.

Сітуацыя з заблакіраванымі фурамі на тэрыторыі Беларусі ўзнікла пасля таго, як Літва закрыла мяжу з Беларуссю з-за масавага запуску паветраных шароў з кантрабанднымі цыгарэтамі, што выклікала збоі ў працы вільнюскага аэрапорта. У адказ беларускія ўлады заблакіравалі выезд літоўскіх фур.

Прэм’ер-міністр Літвы Інга Ругінене паведамляла, што ў Беларусі засталося каля 280 грузавікоў, але асацыяцыя Linava сцвярджае, што колькасць літоўскіх транспартных сродкаў можа дасягаць чатырох тысяч, з іх 1,25 тысячы – цягачы. Кампаніі ўжо атрымалі папярэджанні ад беларускіх уладаў, што праз чатыры месяцы стаянкі транспарт можа быць канфіскаваны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com