СМІ: Заходнія санкцыі «знішчылі» расійскія знішчальнікі Су-57

Расія не можа іх вырабляць.

З унутраных дакументаў расійскага прадпрыемства ОКБМ, якія атрымалі InformNapalm і кіберцэнтр Fenix, становіцца зразумела, што РФ не можа самастойна вырабляць неабходныя дэталі для знішчальнікаў пятага пакалення Су-57.

Такім чынам міжнародныя санкцыі «забіваюць» расійскі знішчальнік, піша Цэнтр стратэгічных камунікацый Spravdi.

«З дакументаў відаць: Расія сама не можа вырабляць ключавыя камплектуючыя для свайго «пятага пакалення». Для гэтага патрэбныя імпартныя высокадакладныя станкі і абсталяванне з ЕС і ЗША», — гаворыцца ў паведамленні.

Журналісты патлумачылі, што пасля ўвядзення санкцый пастаўкі неабходных камплектуючых спыніліся, таму ў расіян узнік дэфіцыт вытворчых магутнасцяў.

«З-за гэтага праграмы па стварэнні і мадэрнізацыі авіяцыі рэгулярна зрываюцца», — адзначылі ў Цэнтры стратэгічных камунікацый.

Там таксама падкрэслілі, што закупкі праз Кітай не ратуюць сітуацыю, паколькі для вытворчасці Су-57 патрэбная менавіта еўрапейская і амерыканская тэхніка.

Эксперты адзначылі, што 23 кастрычніка 2025 года ОКБМ афіцыйна дадалі ў 19-ы пакет санкцый ЕС, што яшчэ больш запаволіла вытворчасць Су-57 і іншых самалётаў.

«Выснова простая: без заходніх тэхналогій «пятае пакаленне» Расія не зробіць. А санкцыі працягваюць закручваць гайкі», — падкрэслілі ў Spravdi.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com