Фінская «дачка» «Лукойла» засталася без паліва з-за санкцый ЗША

Даччыннай кампаніі расійскага нафтавага гіганта належыць каля пятай часткі АЗС у Фінляндыі.

Фінская сетка аўтазаправачных станцый Teboil, якая належыць расійскай кампаніі «Лукойл», вычэрпвае запасы паліва з-за санкцый ЗША супраць расійскага нафтавага гіганта, паведамляе Reuters (пераклад — «УНІАН»).

«Нашы запасы паліва вычэрпваюцца, што азначае, што на некаторых запраўках ужо скончыліся пэўныя віды паліва, і колькасць такіх заправак штодня расце», — паведаміў дырэктар па маркетынгу і камунікацыях кампаніі Teboil Тоні Флік.

Выданне напамінае, што 22 кастрычніка прэзідэнт ЗША Дональд Трамп увёў санкцыі супраць «Раснафты» і «Лукойла» і заявіў, што супраць арганізацый, якія вядуць бізнес з даччынымі прадпрыемствамі гэтых дзвюх кампаній, таксама могуць быць уведзеныя санкцыі. Спроба «Лукойла» прадаць замежны бізнес швейцарскаму трэйдару Gunvor правалілася, паколькі Мінфін ЗША даў зразумець, што не падтрымае здзелку.

Паводле крыніц журналістаў, «Лукойл» спрабуе захаваць дзейнасць сваіх прадпрыемстваў, у прыватнасці ў Іраку, Фінляндыі і Швейцарыі.

Аднак у Фінляндыі намаганні «Лукойла», падаецца, не ацанілі. У мінулым месяцы фінансавы наглядны орган краіны заявіў, што банкі і іншыя фінскія ўстановы, якія падпадаюць пад яго рэгуляванне, павінны праяўляць асцярожнасць у дачыненні да «Лукойла» і кампаній, якія яму належаць наўпрост або ўскосна.

Ды і самі фіны ўсё менш любяць паліва з расійскімі каранямі. Нягледзячы на тое, што каля пятай часткі АЗС у Фінляндыі належыць дачцэ «Лукойла», фіны ўсё часцей выбіраюць іншыя аўтазаправачныя станцыі, што ўжо адбілася на даходах кампаніі. Калі ў 2024 годзе Teboil зарабіў 2,36 млрд еўра, то ў 2024 годзе — 1,61 млрд еўра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com