Беларусаў пачалі кадаваць ад шопагалізму?

Псіхолаг патлумачыў, у чым справа.

У інтэрнэце з'явілася інфармацыя пра тое, што беларусаў нібыта пачалі «кадаваць» ад шопагалізму. Што адбываецца насамрэч і ці лечаць ад гэтага, патлумачыў крызісны псіхолаг Ян Ярашэвіч, піша mlyn.by.

Паводле яго слоў, новае паняцце — «кадаванне ад шопагалізму», якое цяпер з'явілася, — гэта маркетынгавы ход для прыцягнення ўвагі, але насамрэч ніякага кадавання няма. Залежнасці не лечацца за адзін раз, нават кадаванне ад алкагольнай залежнасці не гарантуе выніку на 100%. Урачы-псіхіятры заўсёды раяць групавую або індывідуальную тэрапію з псіхолагам альбо ўдзел у групах ананімных алкаголікаў.

— У Расіі распаўсюджаныя рэабілітацыйныя цэнтры па лячэнні залежнасцей, у тым ліку шопагалізму — у размоўнай мове «рэхабы». Туды накіроўваюць людзей на пэўны тэрмін, дзе праводзіцца комплекснае лячэнне: індывідуальная тэрапія, групавыя сустрэчы і медыкаментозная падтрымка, — патлумачыў псіхолаг.

Ён адзначыў, што гэта каштуе дорага — цана за курс можа дасягаць 500 тысяч расійскіх рублёў.

— У Беларусі ў большасці выпадкаў праца з аніяманіяй (шопагалізм) ажыццяўляецца або фармакалагічна, або праз індывідуальную тэрапію, — сказаў ён.

Псіхолаг дадаў, што ў кожнай залежнасці ёсць асноўная прычына, і трэба працаваць менавіта з ёй, таму нават калі б кадаванне ад шопагалізму сапраўды існавала, яно не ліквідавала б гэтую прычыну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com