Украіна ўвяла санкцыі супраць 700 танкераў «ценявога флоту» РФ

Падсанкцыйныя судны ходзяць пад сцягамі больш як 50 краін.

Украіна ўвяла санкцыі супраць амаль 700 танкераў са складу расійскага «ценявога флоту», які перавозіць падсанкцыйную расійскую нафту ў абыход абмежаванняў, усталяваных цывілізаваным светам.

Пра гэта паведамляе РБК-Украіна са спасылкай на паведамленне Прэзідэнта Украіны Уладзіміра Зяленскага, сайт Офіса Прэзідэнта і адпаведны ўказ.

Зяленскі адзначыў, што пад сённяшнія санкцыі Украіны трапілі амаль 700 суднаў ворага, якія дапамагаюць Крамлю фінансаваць вайну. Гэта большасць флоту РФ, які перавозіць нафту і іншыя энергарэсурсы.

«Гэта найбуйнейшы санкцыйны пакет менавіта супраць танкераў і іншых суднаў, якія служаць агрэсіі. У пакеце — судны, што ходзяць не толькі пад расійскім сцягам, але і пад сцягамі іншых дзяржаў — у прыватнасці, гэта больш за 50 юрысдыкцый», — адзначыў прэзідэнт.

Зяленскі дадаў, што Украіна прымусіць партнёраў заблакаваць кожнае судна, кожную кампанію-суднаўладальніка і ўсю інфраструктуру расійскага нафтавага экспарту.

— Мы падтрымліваем канцэпцыю поўнай забароны прадастаўлення марскіх паслуг судам, якія задзейнічаныя ў экспарце расійскіх энерганосьбітаў. Ціск на Расію і дыпламатыя дзеля заканчэння вайны павінны ісці побач, каб быў патрэбны вынік, — падкрэсліў ён.

Паводле даных ОПУ, Украіна ўжыла санкцыі супраць 656 марскіх суднаў, якія з'яўляюцца часткай «ценявога флоту» Расіі. Адзначаецца, што гэта найбуйнейшы санкцыйны пакет супраць расійскіх танкераў і іншых суднаў.

Украіна таксама правяла маніторынг Чорнага, Чырвонага і Балтыйскага мораў і вызначыла кожнае судна, якое выкарыстоўвалі расіяне. Уладальнікі суднаў загадвалі выключаць Аўтаматычную ідэнтыфікацыйную сістэму і выкарыстоўвалі «шэрыя схемы», каб схаваць права ўласнасці і паходжанне грузу.

«Падсанкцыйныя судны хадзілі пад сцягамі больш як 50 краін, часцей за ўсё — Гамбіі, Сьера-Леонэ, Панамы і Камеруна. Украіна перадасць усю адпаведную інфармацыю ў гэтыя дзяржавы і будзе працаваць з імі дзеля спынення выдачы ліцэнзій», — дадалі ў паведамленні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com