Свет перастаў баяцца нафтавага шантажу

Чаму блізкаўсходняя нафта больш не выклікае панікі ва ўсім свеце.

Слабая рэакцыя нафтавага рынку на абмен ударамі паміж Ізраілем і Іранам у чэрвені 2025 года паказала: нафта з Блізкага Усходу больш не з’яўляецца глабальнай «зброяй запалохвання». Кошт Brent толькі ненадоўга ўзняўся да $79 за барэль і хутка вярнуўся да ранейшых узроўняў, піша Modern Diplomacy(пераклад — сайт Charter97.org).

Эксперты тлумачаць гэта трыма ключавымі фактарамі: энергетычнай незалежнасцю ЗША, дыверсіфікацыяй сусветных паставак і зніжэннем адчувальнасці рынкаў да рэгіянальных канфліктаў.

Дзякуючы «сланцавай рэвалюцыі» ЗША ператварыліся з найбуйнейшага імпарцёра нафты ў найбуйнейшага вытворцу, здабываючы больш за 13 млн барэляў у суткі і экспартуючы нафтапрадукты. Гэта стратэгічна вызваліла Вашынгтон ад рызыкаў, звязаных з пастаўкамі з Пэрсідскага заліва. Нават пагрозы Ірана перакрыць Армузскі праліў больш не выклікаюць панікі: ЗША здольныя замяніць імпарт уласнай здабычай.

Пастаўкі дыверсіфікаваныя, расце здабыча ў Канадзе, Бразіліі, Гаяне, Нарвегіі. У 2025 годзе сусветная прапанова дасягае 105 млн барэляў у суткі. Нават спыненне іранскіх паставак не выклікала б шоку.

З 2023 года шэраг эскалацый на Блізкім Усходзе прыводзіў толькі да кароткатэрміновых скачкоў цэн — пастаўкі амаль ніколі не перарываліся. Сучасныя дадзеныя ў рэальным часе дазваляюць трэйдарам хутка ацэньваць сітуацыю.

Аслабленне «нафтавага рычага» змяняе стратэгію гульцоў рэгіёну. Іран страчвае галоўны інструмент ціску. Ізраіль атрымлівае больш свабоды для ваенных дзеянняў. Краіны Пэрсідскага заліва пераходзяць ад нафтавай да інвестыцыйнай мадэлі ўплыву.

Эпоха, калі Блізкі Усход мог дыктаваць свету ўмовы праз нафту, завершылася. Аднак аслабленне нафтавага фактару можа зрабіць рэгіён больш схільным да лакальных канфліктаў — без рызыкі глабальнага эканамічнага крызісу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com