Кая Каллас: Трэба вызваліць усіх, хто несправядліва ўтрымліваецца пад вартай
10- 14.12.2025, 10:26
- 1,360
Фота: Getty Images
Кіраўніца дыпламатыі Еўрасаюза вітала выхад на волю беларускіх палітвязняў.
13 снежня пасля сустрэчы Аляксандра Лукашэнкі са спецпасланнікам ЗША па справах Беларусі Джонам Коулем у Беларусі вызвалілі 123 палітвязняў.
Вярхоўная прадстаўніца ЕС у замежных справах і палітыцы бяспекі Кая Каллас адзначыла ўклад Злучаных Штатаў у справу вызвалення палітвязняў з Беларусі.
Кіраўніца дыпламатыі Еўрасаюза вітала той факт, што на волю выйшлі адна з лідарак апазіцыі Марыя Калеснікава, лаўрэат Нобелеўскай прэміі міру Алесь Бяляцкі, адвакат Максім Знак і яшчэ 120 палітвязняў.
«Падзяляю радасць іх сем’яў і сяброў. Заслуга ў гэтым належыць Злучаным Штатам, — напісала яна. — Цяпер неабходна вызваліць усіх, хто па-ранейшаму несправядліва ўтрымліваецца пад вартай», — дадала Каллас.
I welcome the release of Ales Bialiatski, Maria Kalesnikava, Maksim Znak and others from Belarusian prisons.
I share the joy of their families and friends.
Credit goes to the US for making this possible.
Now, all those who remain unjustly detained must be released.
— Kaja Kallas (@kajakallas) December 13, 2025
Нагадаем, што ўчора Лукашэнка вызваліў 123 палітвязняў.
Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павел Севярынец, праваабаронца Уладзімір Лабковіч і шэраг іншых вязняў сумлення.
Большасць памілаваных была прымусова вывезеная на тэрыторыю Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
