Між самалётам Тайваня і фрэгатам КНР адбылася жорсткая перапалка

Яе запіс выклікаў шырокі рэзананс.

Паміж ваенным караблём Кітая і тайваньскім самалётам адбылася радыёперапалка падчас аперацый паблізу Тайваньскага праліву. Запіс размовы, які з’явіўся ў сетцы, выклікаў рэзананс сярод карыстальнікаў.

Запіс размовы ў Facebook апублікаваў карыстальнік з нікам Taiwan ADIZ, перадае OBOZ.UA.

На запісе чуваць, што кітайскі ракетны фрэгат тыпу 054A «Ісін», які ўваходзіць у склад Усходняга камандавання ВМС Кітая, звярнуўся да тайваньскага ваеннага самалёта, назваўшы яго «самалётам кітайскага Тайваня». Кітайскі бок заявіў, што борт набліжаецца і нясе небяспеку, таму павінен змяніць курс.

«Самалёт кітайскага Тайваня, гэта «Ісін». Вы набліжаецеся да мяне і пагражаеце маёй бяспецы. Развярніцеся і неадкладна трымайцеся далей!», – заклікалі кітайскія вайскоўцы.

У адказ з самалёта заявілі, што борт належыць Рэспубліцы Кітай і праводзіць трэніровачны палёт. Акрамя таго, папрасілі не перашкаджаць выкананню задачы.

«Я ваенны самалёт Рэспублікі Кітай, праводжу трэніроўкі ў гэтай паветранай прасторы, калі ласка, не перашкаджайце маім дзеянням!», – заявіў тайваньскі вайсковец.

На запісе таксама чуваць голас, які са здзіўленнем перапытаў: «Тайвань?».

На іншай частцы запісу, дзе кітайскі карабель паўторна патрабаваў адступіць, зноў ужываючы фармулёўку «кітайскі Тайвань», у эфіры прагучала рэпліка мужчынскім голасам з тайваньскім акцэнтам: «Гэта лухта».

Менавіта гэта фраза стала прадметам шырокага абмеркавання ў сацсетках. Карыстальнікі расцанілі гэтыя словы як праяўленне стаўлення тайваньскага грамадства да працяглага ціску з боку Кітая.

Крыніцу сігналу не ўстанавілі. Аднак, магчыма, што ён мог паступіць з грамадзянскага судна або ад іншага карыстальніка радыёчастоты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com