У Пецярбургу школьнік напаў з нажом на настаўніцу з-за дрэннай адзнакі

Яны абодва шпіталізаваныя.

У адной са школ Пецярбурга вучань дзевятага класа прыйшоў з нажом і параніў 29‑гадовую настаўніцу. Паводле папярэдніх дадзеных МУС, прычынай інцыдэнту стала дрэнная адзнака за кантрольную па матэматыцы.

У школе №191 Санкт-Пецярбурга сёння раніцай адбыўся напад: 15‑гадовы вучань 9‑га класа накінуўся з нажом на сваю настаўніцу матэматыкі, пасля чаго параніў сябе.

Пацярпелая — 29‑гадовая настаўніца матэматыкі Марыя Андрэева.

Паводле звестак «Базы», напад адбыўся а сёмай раніцы, калі школьнік прыйшоў да выкладчыцы, каб перапісаць кантрольную працу. Як толькі настаўніца адвярнулася, ён дастаў нож і нанёс ёй удары ў спіну. Стан пацярпелай і самога падлетка, які потым нанёс сабе раненні і быў шпіталізаваны, не ўдакладняецца.

Маці нападніка, піша «База», таксама працуе настаўніцай гісторыі ў гэтай жа школе. Яна запісала сына на факультатыў да Андрэевай, каб ён выправіў дрэнныя адзнакі перад экзаменамі.

Паводле слоў відавочцаў, школьніку ўдалося пранесці нож, бо ахова не праводзіць дагляд вучняў, нават калі спрацоўваюць металадэтэктары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com