СМІ: Расія ў найбліжэйшы час можа страціць 300 верталётаў

Замяніць іх няма чым з-за скарачэння ільготнага лізінгу і недастатковых аб'ёмаў вытворчасці.

Каля 300 састарэлых верталётаў Мі-8 у Расіі могуць вывесці з эксплуатацыі цягам пяці гадоў, бо іх рэсурс амаль вычарпаны.

Пра гэта са спасылкай на нараду кампаніі «Верталёты Расіі» з перавозчыкамі паведамляюць крэмлёўскія СМІ.

У канцы гэтага года двум дзясяткам старых Мі-8Т ужо адмовілі ў падаўжэнні тэрмінаў службы. У 2026-м яшчэ 40 старых машын могуць стаць на прыкол.

Паводле слоў спецыялістаў, калі ў галіне ў наступным годзе недалічацца 50–60 верталётаў, якім не падаўзяць тэрміны эксплуатацыі, гэта можа прывесці да дэфіцыту тэхнікі, перабояў у перавозках і цяжкасцяў з выкананнем кантрактаў.

Усяго ў РФ эксплуатуюцца каля 300 верталётаў Мі-8, вырабленых да 1991 года. Ім кожны раз падаўжаюць магчымасць эксплуатацыі, але бясконца гэта рабіць нельга, бо існуюць патрабаванні да бяспекі палётаў і федэральныя авіяцыйныя правілы.

Адна з прычын абмежавання эксплуатацыі — праблемы з хваставай бэлькай на старых Мі-8Т, дзе могуць з'яўляцца трэшчыны ў выніку нагрузак. Гэтую няспраўнасць цяжка ліквідаваць.

У сярэднім 40-гадовыя машыны наляталі каля 15 тысяч гадзін, тады як ліміт іх службы вызначаўся вытворцам у 20 тысяч. Такім чынам, яны яшчэ маюць пэўны рэсурс, але ён даволі абмежаваны.

Авіякампаніі не змогуць хутка замяніць старыя борты новымі з-за скарачэння ільготнага лізінгу і недастатковасці вытворчасці. Галіна просіць даць 5–10 гадоў і ільготны лізінг, каб плаўна перайсці на новую тэхніку.

Акрамя вытворчасці, існуюць і іншыя цяжкасці, у прыватнасці кошт эксплуатацыі. Справа ў тым, што кошт лётнай гадзіны старых Мі-8Т вагаецца ў дыяпазоне 250–320 тысяч рублёў, тады як у новых мадыфікацый Мі-8АМТ ён складае 400–500 тыс. Таму пры пераходзе на новую тэхніку вырастуць тарыфы на камерцыйныя перавозкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com