Сабаленка прызнана тэнісісткай года

Другі раз запар.

Першая ракетка свету Арына Сабаленка прызнана тэнісісткай года паводле версіі Жаночай тэніснай асацыяцыі (WTA). Пра гэта паведамляе прэс-служба WTA.

На прыз таксама прэтэндавалі польская тэнісістка Іга Святэк, прадстаўніца Казахстана Алена Рыбакіна, а таксама амерыканкі Аманда Анісімова, Мэдысан Кіз і Кока Гаўф.

Лепшай парай года WTA прызнаныя чэшская тэнісістка Кацярына Сінякова і амерыканка Тэйлар Таўнсэнд. У намінацыі «Прарыў года» перамагла Аманда Анісімова. Спартсменкай, якая здзейсніла самае яскравае вяртанне, стала швейцарка Белінда Бенчыч (у пачатку 2024 года яна прыпыніла кар’еру з-за цяжарнасці, а ў лютым 2025-га выграла першы тытул пасля нараджэння дачкі). Навічком года прызнана 19-гадовая канадка Вікторыя Мбока.

27-гадовая Сабаленка завяршыла 2025 год на першым месцы ў сусветным рэйтынгу WTA. Цягам сезона беларуская тэнісістка выграла чатыры тытулы, у тым ліку другі год запар стала пераможцай US Open. Тэнісісткай года яна прызнана таксама другі раз запар.

Усяго ў актыве спартсменкі 21 перамога на турнірах WTA ў адзіночным разрадзе. На турнірах «Вялікага шлема» спартсменка чатыры разы станавілася пераможцай: на Адкрытым чэмпіянаце Аўстраліі ў 2023 і 2024 гадах, а таксама на Адкрытым чэмпіянаце ЗША ў 2024 і 2025 гадах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com