Зяленскі: Вельмі добра разумею беларускую мову. Нават не задумваўся

З’явілася відэа размовы беларускіх палітвязняў з прэзідэнтам Украіны.

З’явілася відэа размовы беларускіх палітвязняў з прэзідэнтам Украіны Уладзімірам Зяленскім.

У сустрэчы ўдзельнічалі шэсць вызваленых 13 снежня палітвязняў: Віктар Бабарыка, Марыя Калеснікава, Уладзімір Лабковіч, Максім Знак, Марына Золатава і Аляксандр Фядута.

«Мы вас падтрымліваем. Мы не ўяўляем, як гэта неверагодна складана, калі ў стане вайны адбываецца такая масіраваная атака і агрэсія з боку Расіі, як цяжка вам з гэтым спраўляцца, і вы ўсё роўна знаходзіце магчымасць нас падтрымліваць», — сказала Марыя Калеснікава.

Пасля яе з прэзідэнтам Украіны размаўляў Максім Знак. Ён звярнуўся па-беларуску і спытаў у Зяленскага, ці можа ён дапамагчы вырашыць пытанне з дакументамі, бо палітвязні, вывезеныя ва Украіну, засталіся без пашпартоў.

«Вельмі добра разумею беларускую мову. Нават не задумваўся», — усміхнуўся Зяленскі і паабяцаў заняцца вырашэннем гэтай праблемы разам з кіраўніцтвам іншых краін.

Віктар Бабарыка спытаў, чым вызваленыя беларускія палітвязні могуць дапамагчы Украіне.

Зяленскі адказаў, што найпершая дапамога — выкарыстоўваць свой уплыў сярод беларускага народа, каб пашыраць у ім праўкраінскія настроі, пасылаць адпаведныя сігналы. «Дапамагайце, як атрымаецца», — падсумаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com