Нідэрланды выдзеляць Украіне €950 млн
- 16.12.2025, 23:38
€700 млн будуць накіраваныя на беспілотнікі.
Нідэрланды выдзеляць Украіне пакет ваеннай дапамогі на €950 млн, з якіх €700 млн будуць накіраваныя на беспілотнікі. Пра гэта паведаміў міністр абароны каралеўства Рубэн Брэкелманс на сваёй старонцы ў сацыяльнай сетцы X.
Паводле слоў кіраўніка абароннага ведамства, рашэнне аб падтрымцы прынята нягледзячы на прагрэс у дыпламатычнай сферы, бо вайна яшчэ не скончылася. Яшчэ €250 млн у рамках гэтага пакета прызначаныя для закупкі амерыканскага ўзбраення.
«Я паведамляю пра нашу апошнюю падтрымку: €700 мільёнаў на беспілотнікі і €250 мільёнаў на амерыканскую зброю. Нам усім трэба актывізаваць намаганні, каб умацаваць перамоўную пазіцыю Украіны», — напісаў Брэкелманс.