Сябры дзяцінства знайшлі ў Індыі дыямент коштам каля $55 тысяч
1- 17.12.2025, 11:47
- 2,308
Гэта адзін з самых каштоўных прыродных тыпаў дыяментаў.
У цэнтральнай Індыі, у дыямантаносным раёне Панна, двое сяброў дзяцінства зрабілі знаходку, якая можа змяніць іх жыццё. Сатыш Кхатык і Саджід Мохамед выявілі буйны ззяючы камень на надзеле зямлі, які яны ўзялі ў арэнду ўсяго некалькі тыдняў таму, піша BBC (пераклад — сайт Charter97.org).
Экспертыза паказала, што знаходка — гэта дыямент ювелірнай якасці вагой 15,34 карата — адзін з самых каштоўных прыродных тыпаў дыяментаў. Паводле слоў афіцыйнага ацэншчыка Анупама Сінгха, рыначны кошт каменя складае ад пяці да шасці мільёнаў рупій (прыблізна $55–66 тысяч). Дыямент будзе выстаўлены на дзяржаўны аўкцыён у бліжэйшы час.
Дзяржаўныя аўкцыёны праводзяцца штоквартальна і прыцягваюць пакупнікоў з усёй Індыі і з-за мяжы. Канчатковая цана залежыць ад курсу долара і міжнародных арыенціраў, уключаючы справаздачу Rapaport — адну з галоўных крыніц аналізу рынку дыяментаў.
Абодва маладыя людзі паходзяць з бедных сем'яў. 24-гадовы Кхатык трымае мясную краму, а 23-гадовы Мохамед гандлюе фруктамі. Паводле іх слоў, на грошы ад продажу дыямента яны найперш дапамогуць выдаць замуж сясцёр.
Раён Панна, размешчаны ў штаце Мадх'я-Прадэш, лічыцца адным з найменш развітых у краіне, нягледзячы на тое, што тут сканцэнтраваныя асноўныя запасы дыяментаў Індыі. Мясцовыя ўлады штогод здаюць у арэнду жыхарам невялікія надзелы зямлі, аднак удача ўсміхаецца нямногім.
Паводле прадстаўнікоў горназдабыўнога ведамства, знаходка такой якасці за такі кароткі тэрмін — вялікая рэдкасць. Нягледзячы на гэта, сябры не будуюць грандыёзных планаў і кажуць, што пакуль думаюць толькі пра дапамогу сваім сем'ям.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
