Politico: Расія загнала сябе ў пастку з-за фатальнай памылкі Пуціна

Цяпер шанцы Масквы адсудзіць у Еўропы замарожаныя актывы Цэнтральнага банка блізкія да нуля.

Верагоднасць таго, што Расія зможа паспяхова аспрэчыць у судах замарожванне і магчымую перадачу Украіне актываў расійскага Цэнтральнага банка, мізэрная. Да такой высновы прыйшлі юрысты ў двух незалежных прававых заключэннях, на якія спасылаецца выданне Politico.

Ідзе пра прыкладна 210 млрд еўра, замарожаных у Еўропе, перадусім у бельгійскай фінансавай інфраструктуры Euroclear. Цяпер Расія практычна не мае юрыдычных інструментаў, каб гэтаму перашкодзіць.

Расія дапусціла фатальную памылку

Ключавая прычына цяперашняга становішча — свядомы выхад Расіі з сістэмы міжнароднага права. Яшчэ да пачатку паўнамаштабнай вайны Масква абвясціла прыярытэт нацыянальнага заканадаўства. Пасля ўварвання ва Украіну гэты працэс паскорыўся.

У сакавіку 2022 года Расія пакінула Раду Еўропы, а ў верасні канчаткова выйшла з-пад юрысдыкцыі Еўрапейскага суда па правах чалавека. Усяго было спынена дзеянне каля 20 міжнародных дамоваў. Юрысты падкрэсліваюць: рызыкі для Еўропы мінімальныя.

Міжнародныя суды не варыянт

Спробы звярнуцца ў міжнародныя судовыя інстанцыі таксама выглядаюць бесперспектыўнымі. Асноўная прычына: Расія сама не прызнае іх юрысдыкцыю.

«Пазоў, пададзены ў суд ЕС, Міжнародны суд або аналагічную структуру, ад пачатку асуджаны, бо Расія адмаўляецца прызнаваць гэтыя органы», — гаворыцца ў заключэнні Covington & Burling. Такім чынам, юрыдычных рычагоў у Масквы папросту няма.

Пазовы Расіі асуджаныя на правал

Прававыя заключэнні падрыхтавалі міжнародная фірма Covington & Burling і група экспертаў, звязаных са Стэнфардскім універсітэтам, Кіеўскай школай эканомікі і нямецкай юрыдычнай кампаніяй Bender Harrer Krevet.

Іх выснова адназначная: Расія не зможа знайсці суд, які пагадзіўся б разглядаць пазоў супраць Бельгіі або Euroclea і, тым больш, вынесці рашэнне на карысць Масквы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com