У Маскве завылі з-за пераходу Казахстана на стандарты НАТА
11- 17.12.2025, 16:03
- 10,192
Трывогу забіў першы намеснік старшыні камітэта Дзярждумы РФ па абароне.
Рашэнне Казахстана наладзіць на сваёй тэрыторыі вытворчасць артылерыйскіх снарадаў стандарту НАТА — гэта «недружалюбны» крок у дачыненні да Расіі, заявіў першы намеснік старшыні камітэта Дзярждумы па абароне Аляксей Жураўлёў.
«Мы стараемся не заўважаць, як брацкая на выгляд рэспубліка шпарка адмовілася не толькі ад рускай мовы, але і ад кірыліцы. Як ладзяць «юрты нязломнасці», падтрымліваючы Украіну. А цяпер вось — пераходзяць на стандарты боепрыпасаў НАТА, відавочна, збіраючыся ў будучыні адмовіцца ад расійскіх узораў узбраення, замяніўшы іх заходнімі», — сказаў Жураўлёў «Газеце.ру».
Дэпутат нагадаў, што ў 1992 годзе Казахстан уключылі ў Савет паўночнаатлантычнага супрацоўніцтва, а ў 1994-м краіна заключыла рамкавы дагавор з НАТА пад назвай «Партнёрства дзеля міру». «Адразу ўзнікае пытанне — а чаму НАТА так цікавіцца менавіта Казахстанам? Можа, таму што ён мяжуе з Расіяй, і з гэтай краіны можна зрабіць чарговы русафобскі фарпост? <�…> Усе мы ведаем, чым такое супрацоўніцтва з НАТА абярнулася для Кіева», — сказаў Жураўлёў.
Раней высокапастаўлены казахстанскі вайсковец паведаміў тэлеканалу RTVI, што баяздольнасць арміі краіны на дадзены момант залежыць ад складаў узбраення, якія засталіся з савецкіх часоў, а таксама ад расійскіх паставак. Каб забяспечваць сябе снарадамі, Казахстан у межах нацыянальнага праекта ASPAN вырашыў пабудаваць чатыры ваенныя заводы, якія будуць выпускаць артылерыйскія боепрыпасы і міны не толькі расійскіх узораў, але і стандартаў НАТА. Агульны кошт праекта складае каля $1 млрд, а першы завод запрацуе ўжо ў 2027 годзе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
