Мадура тэрмінова патэлефанаваў генсеку ААН

Сябар Лукашэнкі пажаліўся на пагрозы з боку ЗША.

Дыктатар Венесуэлы Нікалас Мадура звязаўся па тэлефоне з генеральным сакратаром ААН Антоніу Гутэрышам, паведамляецца ў прэс-службе кіраўніка сусветнай арганізацыі. Мадура распавёў яму «пра напружанасць у рэгіёне» з-за пагроз ЗША, якія могуць прывесці да небяспечных наступстваў.

«Падчас размовы генеральны сакратар пацвердзіў пазіцыю ААН аб неабходнасці для дзяржаў-членаў паважаць міжнароднае права, у прыватнасці Статут ААН, праяўляць стрыманасць і дэскалаваць напружанасць дзеля захавання рэгіянальнай стабільнасці», — адзначылі ў прэс-службе.

Сёння прэзідэнт ЗША Дональд Трамп паабяцаў, што ЗША будуць і надалей канцэнтраваць ваенныя сілы вакол Венесуэлы да таго часу, пакуль улады краіны «не вернуць ЗША ўсю нафту, зямлю і іншыя актывы, якія яны раней укралі» ў Злучаных Штатаў. Ён таксама абвясціў Венесуэле «поўную і ўсёабдымную» блакаду нафтавых танкераў, якія знаходзяцца пад амерыканскімі санкцыямі.

Паводле звестак журналіста Такера Карлсана, амерыканскі прэзідэнт можа абвясціць Венесуэле вайну у ноч на 18 снежня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com