«Сітуацыя для рэжыму Лукашэнкі — катастрафічная»

Санкцыі спрацавалі.

Галоўная рэдактарка сайта Charter97.org Наталля Радзіна стала госцяй YouTube-канала вядомага журналіста Яўгена Кіселёва. Галоўная тэма размовы — выхад на волю 123 палітвязняў, вызваленых Лукашэнкам у абмен на зняцце санкцый ЗША з «Беларуськалія». Чаму беларускі дыктатар пайшоў на гэты крок? Наталля Радзіна лічыць, што рэжыму тэрмінова спатрэбіліся грошы:

— Сітуацыя для рэжыму Лукашэнкі — катастрафічная. Заходнія санкцыі, якія былі ўведзеныя ў дачыненні да рэжыму ў 2020 годзе, а потым былі ўзмоцненыя ў 2022 годзе з пачаткам шырокамаштабнай вайны Расіі супраць Украіны і выкарыстаннем тэрыторыі Беларусі для нападу, вельмі балюча ўдарылі па эканоміцы.

Сітуацыя для рэжыму найскладаная. Сёння, нягледзячы на тое, што ўзмацніўся гандаль з Расіяй, гэта ніякім чынам не змагло замяніць аб’ём гандлю, які ў Беларусі быў з Украінай, з Еўрапейскім саюзам. Таму для Лукашэнкі сёння надзвычай важна, каб з яго пачалі здымаць санкцыі.

Я ўпэўненая, што на адміністрацыю Трампа выйшлі лукашэнкаўскія чыноўнікі. Мяркую, што гэта, верагодна, былі кіраўнік прадстаўніцтва Беларусі ў ААН Валянцін Рыбакоў і ягоная жонка, цяпер віцэ-прэм’ерка, у мінулым намесніца кіраўніка адміністрацыі Лукашэнкі Наталля Пяткевіч. Гэта людзі, якія даўно ад імя Лукашэнкі вялі перамовы з Захадам і ў мінулыя гады дамагаліся зняцця санкцый супраць рэжыму ў абмен на вызваленне зняволеных.

Думаю, што менавіта яны пасля прыходу Трампа выйшлі на яго адміністрацыю і прапанавалі такі варыянт: ЗША пачынаюць здымаць з рэжыму санкцыі, а Лукашэнка — вызваляць палітвязняў. Вось і пачаліся гэтыя таргі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com