Кітай увёў санкцыі супраць кампаній і фізічных асоб з ЗША

Пекін адрэагаваў на пастаўкі ўзбраенняў Тайваню.

МЗС Кітая 26 снежня абвясціў пра ўвядзенне санкцый супраць 10 фізічных асоб і 20 амерыканскіх абаронных кампаній за продаж зброі Тайваню, паведамляе Reuters.

Паведамляецца, што ЗША нядаўна абвясцілі пра маштабны продаж зброі Тайваню, што, нібыта, «сур'ёзна парушае прынцып адзінага Кітая» і тры сумесныя кітайска-амерыканскія камюніке, а таксама «сур'ёзна падрывае суверэнітэт і тэрытарыяльную цэласнасць КНР».

Пад кітайскія санкцыі, у прыватнасці, трапілі філіял Boeing у Сэнт-Луісе, Northrop Grumman Systems, L3 Harris Maritime Services.

Абмежаванні КНР прадугледжваюць замарожванне ўсіх актываў, якія амерыканскія кампаніі і асобы маюць у Кітаі, а таксама забараняюць кітайскім арганізацыям і асобам весці з імі бізнес.

У знешнепалітычным ведамстве КНР дадалі, што 10 асобам, якія знаходзяцца ў санкцыйным спісе Пекіна, таксама забаронены ўезд у Кітай.

Раней, 17 снежня, ЗША абвясцілі пра найбольшы ў гісторыі пакет узбраенняў для Тайваню на $11,1 млрд (ён уключае, у прыватнасці, HIMARS, артылерыю, супрацьтанкавыя ракеты Javelin, дроны Altius).

Як адзначыла агенцтва, гэта ўжо другі пакет паставак узбраенняў Тайваню, прыняты з моманту другога прыходу да ўлады ў ЗША прэзідэнта Дональда Трампа.

Узбраенне прадастаўляецца Тайваню на фоне ўзмацнення ваеннага і дыпламатычнага ціску з боку Кітая, падкрэсліла Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com