Зяленскі: Расія размяшчае абсталяванне для навядзення «Шахедаў» на дахах беларускіх шматпавярховак

Крэмль выкарыстоўвае тэрыторыю краіны для абыходу ўкраінскай СПА.

Прэзідэнт Украіны Уладзімір Зяленскі на пасяджэнні Стаўкі заявіў, што Расія выкарыстоўвае беларускую тэрыторыю для абыходу ўкраінскай сістэмы СПА і навядзення дронаў «Шахед» на аб’екты ў заходніх рэгіёнах краіны.

Паводле Зяленскага, абсталяванне для ўдараў размяшчаецца прама на дахах жылых дамоў у населеных пунктах Беларусі, што ўяўляе сур’ёзную небяспеку для грамадзян краіны. Прэзідэнт назваў такія дзеянні «абсалютнай пагардаю да чалавечых жыццяў» і адзначыў, што «важна, каб у Мінску перасталі з гэтым гуляцца».

«Гэта рызыкоўна для Беларусі. Мы бачым крокі з «Арэшнікам», цяпер — з дапамогай «Шахедаў». Шкада, што Беларусь ахвяруе сваім суверэнітэтам на карысць агрэсіўных амбіцый Расіі», — сказаў ён.

Кіраўнік дзяржавы паведаміў, што ўкраінская разведка фіксуе спробы абыходу ахоўных пазіцый праз Беларусь і запэўніў, што Кіеў праінфармуе міжнародных партнёраў і падрыхтуе сумесныя меры рэагавання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com