Ураджэнец беларускага Мазыра ўзначаліў Масад

У Рамана Гофмана — уражлівая біяграфія.

Прэм’ер Ізраіля Біньямін Нетаньягу прыняў рашэнне прызначыць свайго вайсковага сакратара Рамана Гофмана новым кіраўніком Масада (Службы разведкі і бяспекі Ізраіля), пра гэта гаворыцца ў заяве канцылярыі ізраільскага кіраўніка ўрада.

Будучы генерал нарадзіўся ў Мазыры ў 1976 годзе. У 1990 годзе рэпатрыяваўся з бацькамі ў Ізраіль. Ён вучыўся ў сярэдняй школе ў Ашдодзе, а затым у вайсковым інтэрнаце ў паселішчы Элі.

У 1995 годзе быў прызваны на службу ў бранятанкавыя войскі Арміі абароны Ізраіля. Служыў камандзірам узвода, а затым і камандзірам роты. У 2002 годзе прымаў удзел у аперацыі «Абарончая сцяна». Пасля быў прызначаны намеснікам камандзіра 71-га батальёна 188-й бранятанкавай брыгады. Пасля гэтага займаў аналагічную пасаду ў 460-й бранятанкавай брыгадзе. Пазней служыў у штабе бранятанкавай дывізіі «Гааш».

У 2011–2013 гадах камандаваў 75-м батальёнам у 7-й бранятанкавай брыгадзе.

Раман Гофман у 2019 годзе стаў першым прадстаўніком Вялікай Аліі, які дасягнуў звання генерал-маёра і атрымаў дывізію пад сваё камандаванне. Гофман стаў камандзірам дывізіі «Ха-Башан» у Паўночнай акрузе, якая гарантуе бяспеку Голанскіх вышынь і прылягаючых да іх тэрыторый.

27 кастрычніка 2022 года заняў пасаду камандзіра Нацыянальнага цэнтра вучэнняў Сухапутных войскаў.

7 кастрычніка 2023 года падчас баёў з баевікамі ХАМАС быў цяжка паранены ў баі пад Сдэротам.

Раман Гофман жанаты, у яго тры дачкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com