Палітолаг: Лукашэнка асцерагаецца завяршэння вайны

Сітуацыя ў Беларусі можа змяніцца.

Віцэ-прэзідэнт ЗША Джэй Дзі Вэнс выразіў надзею, што ў найбліжэйшыя тыдні будуць «добрыя навіны» па пытанні расійска-украінскай вайны.

— У адміністрацыі Трампа ўсё ацэньваюць у суперлятывах: там усё выдатна і ўнікальна — так, як раней ніколі не было, бо і быць не магло. Таму, думаю, да падобных ацэнак трэба ставіцца даволі скептычна, — сказаў украінскі палітолаг Яўген Магда у каментары «Філіну».

— Трэба памятаць, што Джэй Дзі Вэнс і Марка Рубіа атрымалі ў свой час своеасаблівы аванс ад Дональда Трампа — яны могуць стаць кандыдатамі ў прэзідэнты ў 2028 годзе. І гэта іх, з аднаго боку, натхняе, а з другога — абмяжоўвае ў дзеяннях.

Палітолаг лічыць, што амерыканскі бок імкнецца завяршыць вайну ва Украіне не з гуманістычных меркаванняў, а таму, што хоча вярнуцца да business as usual з Расіяй.

— Крэмль вельмі ўдала знайшоў фактары ўздзеяння на Трампа, намаляваў яму перспектывы зарабляння вялікіх грошай і падлавіў яго на гэтым.

З-за гэтага, на жаль, ЗША ператварыліся са стратэгічнага партнёра Украіны ў пасярэдніка, які гандлюе ўкраінскімі інтарэсамі.

Сапраўды гандлюе. Цяпер мы бачым, што ЗША і Расія, у прынцыпе, дзейнічаюць у адным кірунку.

У любым выпадку Украіна не збіраецца капітуляваць, і гэта павінна быць максімальна відавочна ўсім.

Палітолаг таксама лічыць, што Аляксандр Лукашэнка асцерагаецца завяршэння расійска-украінскай вайны, хоць і не падае выгляду.

— Для яго завяршэнне вайны — гэта большая ўвага да яго з боку Крэмля і максімальнае расхістванне сітуацыі ў Беларусі. Калі хтосьці думае, што паказальная лаяльнасць Лукашэнкі Пуціну стварае нейкія ілюзіі ў Расіі, то глыбока памыляецца.

Я разумею, што Лукашэнка хацеў бы і паўдзельнічаць у аднаўленні Украіны, і яшчэ шмат чаго хацеў бы. Але каб такое хацець, трэба не быць палітыкам, які сцвярджае, што з Беларусі ва Украіну можна прыехаць толькі на трактары, а потым прадастаўляе тэрыторыю сваёй краіны як плацдарм для агрэсіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com