Фільм пра рэвалюцыю 2020 года выйшаў на HBO і іншых стрымінгавых платформах

Як і дзе яго можна паглядзець?

Мастацкі фільм «Пад шэрым небам» рэжысёркі Мары Тамковіч з’явіўся на шэрагу анлайн-пляцовак, у тым ліку HBO Max, Canal+, Polsat Box і іншых. Паглядзець фільм можна па падпісках, што пачынаюцца ад $10, перадае «Белсат»).

З’яўленне фільма на стрымінгах даўгачаканае: прэм’ера адбылася яшчэ ў чэрвені 2024 года, але раней фільм паказвалі толькі на фестывалях і ў абмежаваным пракаце ў нешматлікіх кінатэатрах па-за межамі Беларусі. Зараз яго можна паглядзець анлайн (у Беларусі можа спатрэбіцца VPN і картка банка, які не пад санкцыямі, што спрацуе для аплаты).

Фільм «Пад шэрым небам» заснаваны на рэальных падзеях і распавядае гісторыю журналісткі «Белсату» Кацярыны Андрэевай і яе мужа Ігара Ільяша. Абодва цяпер — палітвязні ў Беларусі. Фільм пра іх не дакументальны, аднак у яго аснове — рэальная гісторыя, у тым ліку выбудаваная на размовах рэжысёркі з Ільяшом і з затрыманай разам з Кацярынай журналісткай Дар’яй Чульцовай. Фільм здымаўся на мінімальны бюджэт, на здымкі было ўсяго 15 дзён.

«Пад шэрым небам» перамог на фестывалі «Паўночнае ззянне» ў 2024 годзе, а Мара Тамковіч атрымала прэмію за найлепшы дэбют на 49-м Фестывалі польскіх мастацкіх фільмаў у Гдыні. Зараз фільм намінаваны на «Еўрапейскае адкрыццё года» на Еўрапейскай кінапрэміі — на галоўную кінапрэмію Аб’яднанай Еўропы, якую часам называюць «Еўрапейскім Оскарам». Цырымонія ўзнагароджання адбудзецца 17 студзеня 2026 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com