Вугоршчына запатрабавала выкрасліць з санкцыйных спісаў расейскага мільярдэра Фрыдмана

У абмен на невыкарыстанне вета ў дачыненні да больш маштабных санкцый ЕЗ.

Вугоршчына прыстрашыла заблакаваць падаўжэнне санкцый Еўразвяза ў дачыненні да амаль 2 тысяч расейцаў, калі з санкцыйнага спісу не будзе выключаны расейскі мільярдэр Міхаіл Фрыдман, паведамілі Financial Times (FT) дасведчаныя крыніцы.

З іх словах, такую ўмову агучыў пастаянны прадстаўнік Вугоршчыны пры ЕЗ перад сустрэчай паслоў краін Еўразвязу ў Брусэлі 13 сакавіка. Пры гэтым, як сцвярджаюць суразмоўцы FT, намаганні Будапешта ў зняцці абмежаванняў з Фрыдмана падтрымлівае Люксембург.

Персанальныя санкцыі ЕЗ у дачыненні да расейцаў, якія тым ці іншым чынам маюць дачыненне да поўнамаштабнага ўварвання Расеі ва Украіну, прадаўжаюцца кожныя паўгода. Чарговы тэрмін іх пралангацыі ў суботу, 15 сакавіка. Пастанова павінна быць прынятая аднагалосна ўсімі 27 краінамі ЕЗ. Са звестак FT, першапачаткова Вугоршчына запытвала выключэнне для васьмі чалавек, у ліку якіх былі мільярдэр Алішэр Усманаў і партнёр Фрыдмана Пётр Авен. Праект "Сістэма" пісаў, што ў гэты спіс таксама ўваходзілі былы ўладальнік "Уралхіма" Дзмітрый Мазепін і міністр спорту РФ Міхаіл Дзегцяроў. Але Будапешт адмовіўся ад гэтых патрабаванняў і надумаў дамагацца зняцця санкцый толькі з Фрыдмана, паведамілі крыніцы FT.

Санкцыі ЕЗ супраць Фрыдмана былі ўведзеныя адразу пасля ўварвання расейскага войска ва Украіну - у лютым 2022 года. Афіцыйна абмежаванні былі абгрунтаваныя наяўнасцю сувязяў мільярдэра з расейскай уладай, з прэзідэнтам РФ Уладзімірам Пуціным. Фрыдман аспрэчваў абмежаванні ў еўрапейскім судзе і дабіўся іх скасавання, але ў 2023 годзе санкцыі супраць яго былі ўведзеныя на падставе таго, што ён захоўвае бізнэс-прысутнасць у Расеі.

Праз абмежаванні Фрыдман і яго партнёр Авен саступілі кантроль над інвестыцыйнай групай LetterOne і выйшлі з яе рады дырэктараў. У 2024 годзе бізнэсоўцы прадалі свае дзелі ў Альфа-банку і "Альфа-страхаванні" свайму даўняму партнёру Андрэю Косагаву. Абедзве кампаніі былі ацэненыя прыкладна на 240 млрд руб. Як пісала FT, яны спадзяваліся, што продаж дапаможа ім аспрэчыць уведзеныя супраць іх санкцыі ЕЗ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com