Зяленскі аб 30-дзённым замірэнні: Расея працягвае маўчаць

Кіеў заклікае ЗША націснуць на Пуціна.

Расея дагэтуль не дала змястоўнага адказу на прапанову аб 30-дзённым замірэнні. Кіеў разлічвае на ціск ЗША, каб прымусіць Маскву да заканчэння вайны.

Аб гэтым паведамляе Telegram-канал прэзідэнта Украіны Уладзіміра Зяленскага.

Са слоў прэзідэнта Зяленскага, сёння ён праслухаў падрабязны даклад украінскай дэлегацыі аб сустрэчы з амерыканскімі прадстаўнікамі ў Савудаўскай Арабіі. Ён адзначыў, што Кіеў настроены на хуткі рух да міру і гатовы сумленна выконваць сваю працу ў гэтым пытанні. Таксама прывітаў аднаўленне паставак амерыканскай дапамогі і абмену выведвальнымі звесткамі.

Зяленскі дадаў, што падчас перамоў у Савудаўскай Арабіі, украінская дэлегацыя праінфармавала амерыканскі бок аб прынцыповых пазіцыях Кіева. Штаты ж, у сваю чаргу, гатовыя арганізаваць тэхнічныя аспекты кантролю над выкананнем рэжыму цішыні на фронце.

Таксама падчас перамоў была абмеркаваная патрэбнасць у гарантыях бяспекі і далейшыя супольныя крокі з еўрапейскімі партнёрамі.

«На жаль, ужо больш за дзень свет не чуе змястоўнага адказу з Расеі наконт прапаноў, якія прагучалі. І гэта зноў пацвярджае, што менавіта Расея імкнецца працягваць вайну і будзе спрабаваць максімальна адцягнуць наступленне міру. Спадзяемся, што ціску Злучаных Штатаў дастаткова, каб прымусіць Расею да заканчэння вайны», - адзначыў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com