Палітолаг пра БПЛА ў Менску: Шцірліц ніколі не быў так блізка да няўдачы
4- 30.07.2025, 16:31
- 12,868
Менш за ўсё здарэнне падобнае да ўкраінскага дрона з трацілам.
У менскім мікрараёне Дамброўка разбіўся беспілотнік. Уночы 29 ліпеня ён рэзнуўся ў жылы дом, але не выбухнуў, хоць, як сцвярджае Следчы камітэт, ён быў абсталяваны выбуховым прыстасаваннем на аснове трацілу.
Палітолаг Анатоль Котаў у інтэрв'ю «Філіну» пракаментаваў гэты інцыдэнт:
- Менш за ўсё здарэнне падобнае да ўкраінскага дрона з трацілам, - каментуе інцыдэнт у менскім двары Анатоль Котаў. - На мой погляд, гэта больш падобна да правакацыі.
Па-першае, дроны з трацілам выбухаюць, а не выглядаюць як вялікая петарда.
Па-другое, на ўкраінскіх дронаў хутчэй за ўсё пішуць па-ўкраінску, а не перакладаюць праз Google Translate.
Па-мойму, проста камусьці вельмі трэба было паказаць, што падобнае можа адбыцца проста ў Менску. Зроблена ўсё было напярэдадні сустрэчы Лукашэнкі і Пуціна.
І наўрад ці гэта мела сур'ёзную пагрозу для грамадзян, нягледзячы на тое, што нібыта беспілотнік упаў ў жылым раёне. Менавіта таму гэта не быў беспілотнік з трацілам!
На жаль, тое, як выбухаюць дроны альбо падаюць іх абломкі, мы ўсе можам добра ўявіць, паглядзеўшы кадры з Кіева, Адэсы, Харкава.
Там руйнуюцца кватэры, пад'езды — наступствы значна больш сур'ёзныя, нават калі гэта збіты беспілотнік з выбуховым рэчывам.
А тое, што нам паказалі, зрабіўшы акцэнт на дзіўных надпісах, усё ж такі падобна да правакацыі.
Але не з мэтай запалохаць людзей. А з мэтай, як сказаў, падрыхтаваць глебу для сустрэчы Пуціна і Лукашэнкі.
Хутчэй за ўсё, гэта павінна было паказаць, што Беларусь таксама знаходзіцца пад пагрозай, што яна тут абараняецца ад украінскіх дронаў і заадно абараняе Расею, збіваючы дроны над сваімі гарадамі.
З чаго вынікае галоўнае: дайце грошай, каб мы абараняліся яшчэ больш эфектыўна, таму што пагроза рэальная.
- Аднак нават калі беспілотнік не сапраўдны, праваабаронцы паведамілі пра рэальныя затрыманні людзей у эпіцэнтры.
- Тут, дарэчы, максімальна дзіўна выглядае і тое, што раён не прачнуўся ад пралёта нібыта дрона. Але ж гэта вельмі гучная газонакасілка з характэрным гукам. А амаль ніхто нічога не чуў, адсутнічае вялікая колькасць відавочцаў, якія павінны былі як мінімум прачнуцца ад спецыфічнага і вельмі непрыемнага гуку.
Зразумела, што Менск не Кіеў і не Львоў, і там людзі не ведаюць, пры якіх гуках адразу трэба шукаць сховішча. Але і казаць пра тое, што многія пачулі нешта насцярожвае, падстаў няма.
Усе такія правакацыі знаходзяцца ў рамках мэма «Шцірліц ніколі не быў такі блізкі да няўдачы".
Людзей затрымлівалі вакол акурат для таго, каб не з’явілася ніводнае сведчанне з высновамі, якія паставяць пад сумнеў афіцыйную версію.
То бок, гэта жаданне запалохаць, але не ўмоўным шахедам, а за перадачу рэальных звестак пра падзею.
- У кожным выпадку ніхто не будзе адмаўляць, што сістэмы РЭБ з абодвух бакоў становяцца больш дасканалымі, дроны ўжо неаднаразова заляталі ў Беларусь і, відавочна, будуць залятаць далей.
— Безумоўна. Сістэмы РЭБ становяцца больш дасканалымі, дарэчы, і дроны становяцца больш тэхналагічнымі.
Аднак пакуль ідзе расейска-ўкраінская вайна, у якой Беларусь таксама ўдзельнічае, яны знаходзіцца пад пагрозай прылёту чаго-небудзь.
І тое, што цяпер да нас нічога сур'ёзнага не прылятае, забяспечваецца не надзейнымі сістэмамі СПА, а пэўным кансэнсусам з украінскай стараной.
Але мы ўсе ведаем, што пераход нейкіх чырвоных ліній, больш сур'ёзная падтрымка Расеі, зноў жа выдача тэрыторыі нашай краіны для ракетных удараў скасуе ўсялякі імунітэт і здыме эфемерную абарону.
На мой погляд, за парушэнне гэтага статус-кво могуць разглдяаць не толькі ракеты, але і будаўніцтва якога-небудзь завода для вытворчасці ўдарных беспілотнікаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
