Мядзведзеў зладзіў гістэрыку ў сацсетках

Напісаў пра «мёртвую руку».

Намеснік кіраўніка Савета бяспекі РФ Дзмітрый Мядзведзеў зладзіў публічную палеміку з прэзідэнтам ЗША Дональдам Трампам пасля яго заявы пра "мёртвую эканоміку" Расеі і Індыі і папярэджання на адрас Мядзведзева, што той павінен "сачыць за сваімі словамі".

У сваім тэлеграм-канале намеснік старшыні Савета бяспекі назваў "нервовай рэакцыяй" словы Трампа, якога ён ахарактарызаваў як "цэлага грознага прэзідэнта ЗША", і заявіў, што такая рэакцыя сведчыць, што Расея мае рацыю. "А пра "мёртвую эканоміку" Індыі і Расіі і "заход на небяспечную тэрыторыю" — ну няхай успомніць свае любімыя фільмы пра "хадзячых мерцвякоў", а таксама тое, як можа быць небяспечная неіснуючая ў прыродзе "мёртвая рука", — напісаў Мядзведзеў.

"Мёртвая рука" (Dead Hand)( так на Захадзе называюць савецкую і расейскую сістэму "Перыметр") уяўляе сабой аўтаматызаваную сістэму кіравання масіраваным у адказ ядравым ударам. Яна прызначаная для гарантаванай атакі ў адказ з прымяненнем ядравай зброі нават пры сцэнары поўнага знішчэння вышэйшага вайсковага кіраўніцтва краіны і сістэм сувязі (прылады “Казбека” і камунікацыйнай лініі РВСН).

Мядзведзеў такім чынам адрэагаваў на папярэднюю заяву Трампа на яго адрас. Кіраўнік Белага дома, які напярэдадні абвясціў скарачэнне тэрміну свайго ультыматуму на адрас Крамля з 50 да 10 дзён, напісаў у Truth Social, што "былы прэзідэнт Расеі, які не адбыўся, ступае на небяспечную тэрыторыю". Трамп меў на ўвазе папярэднюю пасаду Мядзведзева, калі той у X прыгразіў ЗША і запатрабаваў не гаварыць з Расеяй “мовай ультыматумаў”.

Умовы Трампа маюць на ўвазе, што Вашынгтон у выпадку адмовы прэзідэнта РФ Уладзіміра Пуціна ад завяршэння вайны ва Украіне на працягу 10 дзён, увядзе стоадсоткавыя мыты ў дачыненні да краін, якія набываюць расейскую нафту, каб выразаць РФ з святовага рынку "чорнага золата".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com