Названая дата пачатку вучэнняў «Захад-2025»
- 12.08.2025, 11:51
- 8,704
Яны стартуюць у верасні.
Сумеснае стратэгічнае вучэнне Узброеных Сіл Беларусі і Расеі «Захад-2025» пройдзе ў перыяд з 12 да 16 верасня 2025 года, паведаміў падчас брыфінгу 12 жніўня начальнік Дэпартамента міжнароднага вайсковага супрацоўніцтва Мінабароны Валерый Равенка.
Падчас вучэння, як паведамляе Мінабароны, плануецца адпрацоўка наступных пытанняў:
адбіццё удараў сродкаў паветранага нападу супраціўніка;
вядзенне абарончага бою, укліньванне ў абарону супраціўніка і стварэнне ўмоў для аднаўлення тэрытарыяльнай цэласнасці дзяржавы;
авіяцыйная падтрымка дзеянняў войскаў;
барацьба з незаконнымі ўзброенымі фармаваннямі і дыверсійна-выведвальнымі групамі супраціўніка.
Адзначым, многія экспэрты мяркуюць, што Крэмль можа выкарыстоўваць вучэнні «Захад-2025» для правакацый супраць краін Балтыі.