УСУ перайшлі ў наступ на Данбасе

Зачышчаны Пакроўск і вызваленыя шэсць населеных пунктаў.

Сілы абароны Украіны зачысцілі шэсць населеных пунктаў каля Дабраполля ў Данецкай вобласці. Таксама зачышчаны ад акупантаў горад Пакроўск.

Пра гэта паведамляе Генштаб УСУ.

З 4 да 16 жніўня ў выніку супольных дзеянняў часцей і падраздзяленняў Нацгвардыі і УСУ, якія ўваходзяць у склад 1-га корпуса НГУ «Азоў», у Данецкай вобласці зачышчаныя населеныя пункты: Грузскае, Рубежнае, Новавадзяное, Пятроўка, Вяселае, Залаты Калодзезь.

У аперацыйнай зоне вораг панёс значныя страты ў жывой сіле. Паводле звестак на 16 жніўня, яны складаюць:

беззваротныя – 910 чалавек,

санітарныя – 335 чалавек,

палон – 37 чалавек.

Таксама вораг страціў шмат тэхнікі і ўзбраення. Было знішчана і пашкоджана восем танкаў расейскіх акупантаў, шэсць баявых браняваных машынаў, 103 адзінкі аўта- і мотатэхнікі, адна РСЗА, 18 гарматаў і 91 БПЛА розных тыпаў.

У Генштабе адзначылі, што правядзенне стабілізацыйных дзеянняў у кірунку горада Дабраполле прадаўжаецца.

Падраздзяленні 19-га армейскага корпуса, якія дзейнічаюць у Данецкай вобласці, толькі за мінулы дзень узялі ў палон шэсць расейскіх вайскоўцаў.

Таксама на гэтым тыдні сіламі 7-га корпуса Дэсантна-штурмавых войскаў і сумежных падраздзяленняў зачышчаны ад варожых групаў і адзіночных акупантаў горад Пакроўск.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com