У футболе ўпершыню ў гісторыі было скарыстанае новае правіла гульні

Відэафакт.

У Ангельскай Прэм'ер-лізе (АПЛ) упершыню ў гісторыі ўжылі абноўленае правіла гульні ў футбол адносна часу ўтрымання мяча брамнікам, піша «Обозреватель». Выпадак адбыўся ў матчы 1-га туру, дзе «Тотэнхэм» прымаў «Бернлі» і ўпэўнена перамог 3:0.

На 4-й хвіліне сустрэчы славацкі галкіпер гасцей Марцін Дубраўка, нядаўна арандаваны «Бернлі» ў «Манчэстэр Юнайтэд», злавіў мяч пасля падачы ў штрафную і трымаў яго ў руках даўжэй за восем секундаў.

Суддзя Майкл Олівер, папярэдне адлічыўшы жэстамі пяць секундаў, прызначыў кутні ўдар у браму «Бернлі».

Гэта стала першай падобнай пастановай у гісторыі АПЛ пасля пачатку дзеяння новых правілаў.

Міжнародная рада футбольных асацыяцый (IFAB) яшчэ ў сакавіку сёлета зацвердзіла шэраг новаўвядзенняў. Адным з іх стала змена пакарання для брамніка: калі ён занадта доўга затрымлівае мяч, спаборніку больш не даецца вольны ўдар, а прызначаецца кутні. Яно пачало дзеянне з 1 ліпеня.

36-гадовы славацкі брамнік Дубраўка, удзельнік Еўра-2020 і Еўра-2024, стаў аўтарам гістарычнага эпізоду ўжо ў сваім дэбютным матчы за «Бернлі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com