Сталі вядомыя дэталі гарантый бяспекі для Украіны пасля сустрэчы ў Вашынгтоне

Канчатковы варыянт будзе аформлены цягам сямі-дзясяці працоўных дзён.

Гарантыі бяспекі заходніх партнёраў для Украіны будуць аформленыя цягам сямі-дзясяці працоўных дзён.

Аб гэтым заявіў прэзідэнт Украіны Уладзімір Зяленскі падчас брыфінгу ў Вашынгтоне.

Кіраўнік украінскай дзяржавы выказаў меркаванне, што гарантыі бяспекі будуць пашырацца партнёрамі Украіны, і ў далейшым будзе ўсё больш падрабязнасцей, бо «ўсё гэта будзе на паперы фармалізаванае на найбліжэйшым тыдні або праз 10 дзён».

Зяленскі таксама ўдакладніў некалькі пунктаў будучага пагаднення аб гарантыях бяспекі.

Моцнае войска

Прэзідэнт Украіны адзначыў, што першая частка гарантый будзе датычыцца фінансавання Узброеных сіл Украіны.

«Наша войска складаецца з нашага войска, заробку. І тут выклік, нельга страціць сваё войска, нельга, каб войска было зменшанае ў разы, бо ў вас няма фінансавання. А ў нас такога фінансавання не будзе, фізічна не будзе, у нашым бюджэце, і нам патрэбныя дадатковыя фінансы», - сказаў Зяленскі

Ён таксама заявіў аб намеры знайсці неабходныя сродкі, і падкрэсліў, што для гэтага ў нашых еўрапейскіх партнёраў павінна быць разуменне, «што нам трэба знаходзіць крыніцу фінансавання гэтага на нейкі тэрмін, даволі доўгі, каб гэта была частка гарантый бяспекі».

Вайсковая дапамога ЗША

Другой часткай гарантый бяспекі Зяленскі назваў наданне Злучанымі Штатамі пакета вайсковай дапамогі.

«Там сапраўды ёсць пакет з нашымі прапановамі на 90 млрд даляраў. У яго, перш за ўсё, уваходзяць самалёты, сістэмы СПА і г.д.», - сказаў прэзідэнт Украіны.

Вытворчасць дронаў

Трэцяй часткай пагаднення аб гарантыях бяспекі кіраўнік дзяржавы назваў вытворчасць Украінай уласных дронаў.

«У нас ёсць дамоўленасць з прэзідэнтам ЗША, што калі ў нас наладжваецца экспарт, яны будуць набываць украінскія дроны. Гэта будзе фінансаванне нашай унутранай вытворчасці дронаў, нашы кампаніі будуць мець грошы на павелічэнне вытворчасці», - сказаў Зяленскі.

Ён дадаў, што другой часткай гэтай часткі пагаднення з’яўляецца тое, што партнёры змогуць для нас зрабіць, як будуць працаваць гарантыі бяспекі і якія сілы будуць працаваць на абарону Украіны ў выпадку паўтарэння агрэсіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com