Пяты буйны расейскі НПЗ спыніўся

Куйбышаўскі НПЗ «Раснафты» атакавалі дроны.

Куйбышаўскі НПЗ «Раснафты» спыніў перапрацоўку нафты 28 жніўня пасля атакі беспілотных лятальных апаратаў (БПЛА), паведамляе Reuters са спасылкай на дзве крыніцы ў галіне.

Са слоў суразмоўцаў агенцтва, на заводзе магутнасцю 7 млн тон на год былі пашкоджаныя абедзве ўстаноўкі першаснай перапрацоўкі нафты — кожная прадукцыйнасцю 10 тысяч тон на дзень.

Таксама на НПЗ, які ўваходзіць у самарскую групу «Раснафты» і за мінулы год вырабіў 800 тысяч тон бензіну і 1,3 млн тон дызеля, былі пашкоджаныя некаторыя другасныя працэсы, сказалі крыніцы.

Куйбышаўскі НПЗ стаў пятым буйным заводам, які спыніў вытворчасць у жніўні праз напады дронаў. 2 жніўня пасля ўдару БПЛА спыніўся Новакуйбышаўскі НПЗ (таксама ўваходзіць у Самарскую групу «Раснафты), 11 жніўня спыніў прыём сыравіны Саратаўскі НПЗ. 15 жніўня стала вядома аб прыпыненні Валгаградскага НПЗ «Лукойла», найбуйнейшага на поўдні Расеі. У той жа дзень пасля атакі дронаў спыніў прыём нафты на перапрацоўку Сызранскі НПЗ.

Акрамя таго, 2 жніўня блізу паловы магутнасцяў спыніў НПЗ у Разані, самы буйны з заводаў «Раснафты», паліва з якога ідзе на продаж у тым ліку ў Маскоўскі рэгіён. Невыразным застаецца лёс Новашахцінскага НПЗ, адзінага ў Растоўскай вобласці, які гарэў 5 дзён пасля атакі БПЛА.

З падлікаў Reuters, праз дроны Расейскія нафтавыя кампаніі страцілі 17% магутнасцяў у нафтаперапрацоўцы. Аб'ём магутнасцяў НПЗ, якія спыніліся, у жніўні ўстанавіў гістарычны рэкорд-6,4 млн тон, або 23%.

Аднак, казалі крыніцы Reuters, супастаўнага падзення вытворчасці ў паліве ў Расеі пакуль не адбылося. З іх слоў, нафтавыя кампаніі скарацілі выпуск у жніўні толькі на 5%, паколькі праблемы на пацярпелых заводах былі кампенсаваныя павелічэннем загрузкі дзейных НПЗ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com