Сыравінная эканоміка Пуціна трашчыць па швах

Усе найбуйнейшыя нафтавыя кампаніі Расеі зрабілі справаздачу аб катастрофе прыбыткаў.

Падзенне коштаў нафты, новая хваля санкцый і моцны рубель ударылі расейскую эканоміку ў сыравіннае сэрца.

Усе найбуйнейшыя нафтавыя кампаніі краіны за першае паўгоддзе 2025 года сутыкнуліся з падзеннем прыбыткаў у 2-3 разы, вынікае са справаздачнасці, апублікаванай на мінулым тыдні, піша The Moscow Times.

«Раснафта», на якую прыпадае кожны другі выняты з нетраў барэль, паведаміла аб падзенні прыбытку, які належыць да акцыянераў, утрая – з 773 да 245 млрд рублёў.

Краіны ОРЕС+ актыўна нарошчвалі здабычу, што знізіла сусветныя цэны, а акрамя таго, «назіралася пашырэнне дысконтаў на расейскую нафту ў сувязі з узмацненнем жорсткасці санкцыйных абмежаванняў ЕЗ і ЗША», растлумачыў сітуацыю кіраўнік кампаніі Ігар Сечын.

«Лукойл», які займае другое месца па аб'ёмах нафтаздабычы, страціў палову прыбытку: ён склаў 287 млрд рублёў супраць 590 млрд годам раней. Даход кампаніі ўпаў на 17%, паказчык EBITDA - у 1,6 разы.

Прыбытак «Газпрам нафты» скараціўся на 54%, да 150 млрд рублёў, а даход асеў на 12%, нягледзячы на тое, што кампанія на 5% павялічыла здабычу і на 4% нарасціла перапрацоўку нафты.

«Сургутнафтагаз», які займае чацвёртае месца па аб'ёмах здабычы, стаў стратным: ён пазбавіўся сумы 452,7 млрд рублёў за паўгода. Па фінансах «Сургута» стукнула ўмацаванне рубля - яно абясцэніла гіганцкую «валютную падушку» кампаніі сумай блізу $70 млрд.

Прыбытак «Татнафты» абрынуўся амаль утрая, 54,2 млрд рублёў, а «Руснафты» - у 3,2 разы, да 11,8 млрд рублёў.

Агулам нафтагазавы сектар Расеі, ад якога залежыць кожны трэці рубель у бюджэце, страціў 50,4% прыбыткаў, вынікае са звестак Расстата: яго сальдаваны фінансавы вынік за паўгода скараціўся да 1,264 трлн рублёў. Пры гэтым 45% кампаній скончылі паўгоддзе са стратай на 749,5 млрд рублёў.

У Ханты-Мансійскай аўтаномнай акрузе, галоўным нафтавым рэгіёне, які забяспечвае 40% усёй здабычы краіны, нафтавая прамысловасць стала стратнай: кампаніі спрацавалі ў мінус на 506,3 млрд рублёў, паводле звестак Цюменьстата за студзень-травень.

«Вынікі кампаній нафтагазавага сектара застаюцца пад ціскам моцнага рубля і нізкіх коштаў нафты», – пішуць аналітыкі «Цифры Брокера». Барэль гатунку Urals, які ў пачатку года каштаваў амаль $70, да траўня патаннеў да $52,1, а ў чэрвені каштаваў $59,8. Яго рублёвы кошт за 6 месяцаў абрынуўся амаль на 30%, да 4,7 тысячы рублёў за барэль.

Дадатковыя бар'еры для вытворчасці і экспарту энэргарэсурсаў стварае ўзмацненне санкцый супраць расейскага ПЭК, адзначае Алена Галеева, навуковая супрацоўніца лабараторыі галіновых рынкаў і інфраструктуры Інстытута Гайдара. Супраць «нафтанкі» дзейнічае эмбарга краін G7; увядзенне санкцый супраць суднаходства і лагістыкі за кошт блакавання «ценявога флоту»; у дзеянні тэхналагічнае эмбарга і фінансавыя абмежаванні ў выглядзе блакавання разлікаў у далярах; узмацняецца ціск на банкі трэціх краін, пералічвае Мальцава.

Сёлета стасункі нафтавікоў з імпарцёрамі былі дэстабілізаваныя праз пагрозу другасных санкцый - у выніку нафтавы сектар сутыкнуўся з абмежаваннямі збыту, пішуць эксперты Інстытута Гайдара: экспарт у Кітай за першае паўгоддзе ўпаў на 11% у фізічным аб'ёме, а ў грашах - на 24.

Акрамя азіяцкіх краін, куды ідзе больш за 80% экспарту, расейскую сырую нафту практычна ніхто не набывае. Але павялічыць плыні ва ўсходнім кірунку складана: танкераў бракае, а парты перагружаныя, адзначаюць эксперты.

«Змяншэнне даходаў нафтавых кампаній звязанае, перш за ўсё, з падзеннем кошту нафты на сусветным рынку і ўмацаваннем рубля, - тлумачыць вядучы аналітык Фонду нацыянальнай энэргетычнай бяспекі Ігар Юшкоў. -Праз гэта скараціўся экспартны прыбытак: кампаніі сталі зарабляць менш, прадаючы той жа аб'ём прадукцыі за мяжу».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com