У Горадні пачаўся сабатаж

Мясцовыя ўлады абнародавалі сенсацыйную лічбу.

«Бяда з гэтымі гарадзенцамі - масава сабатуюць задачы пяцігодкі», - піша «Салідарнасць».

Высветлілася гэта раптоўна. Карэспандэнт «Гродна плюс» пабывала на планёрцы ў старшыні гарвыканкама і напісала ў варожай сацсетцы: «Больш за 20% працаздольнага насельніцтва горада «не працуе». А значыць і не плацяць падаткі. Пытанне: за чый кошт яны карыстаюцца ўсімі сацыяльнымі дабротамі?»

Тое, што больш за 20% працаздольнага насельніцтва ў Горадні не занята ў народнай гаспадарцы - гэта, вядома, уражвае. Такія сенсацыйныя лічбы ўлады раскрываюць нячаста.

Аднак цікава не толькі гэта, але і рэакцыя карыстальнікаў, якія адказалі прапагандыстцы па поўнай праграме. Пад згаданым допісам дзясяткі абураных каментароў. Вось толькі найбольш паказальныя:

«Праца - гэта права, а не абавязак. Нешта рабаўладальніцкі лад тут учынілі?!?! Чыноўнік - галоўны дармаед».

«Падаткі плацяць УСЕ. Нават бяздомныя, аплачваючы алкаголь. Справа ў тым, што непрацуючы чалавек не плаціць падаходны падатак (але той, хто яго ўтрымлівае кампенсуе гэта сваім падаходным падаткам). Але, аплачваючы любы тавар ці паслугу, вы плаціце ПДВ (асноўнае паступленне ў бюджэт), а набываючы алкаголь, тытунёвыя вырабы і іншае, вы плаціце яшчэ і акцызы».

«Пачытайце рынак вакансій у Горадні, колькі там плацяць, а потым пайдзіце ў краму і купіце прадуктаў на ўсю сям'ю на тыдзень. Усе пытанні адпадуць».

«У Горадні ёсць мэр? У Беларусі ўвогуле – ёсць недзе мэры? Мэр - гэта кіраўнік горадам, які абіраецца гараджанамі, наогул...»

«20% працаздольнага насельніцтва імігравала або ездзіць на заробкі ў Польшчу. Жыву ў Польшчы пашпарт ПП не афармляў у Беларусі лічуся беспрацоўным, назіраю як былыя суседзі для таго каб выжыць у Беларусі ўжо гадоў 10 ездзяць на заробкі ў Польшчу яны таксама лічацца беспрацоўнымі».

«Трэба разумець на фота тыя самыя працаўнікі, якія на сваім гарбе вывозяць дармаедаў?»

Нагадаем, што сёлета Аляксандр Лукашэнка заявіў, што «неабходна больш актыўна прыцягваць на рынак працы тых, хто не працуе». А ў лістападзе 2024-га дыктатар сказаў, што ў Беларусі не павінна быць «бамжоў і дармаедаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com