«Жанчына выпала за борт, муж паспрабаваў выратаваць яе»

МЗС расказаў падрабязнасці гібелі беларускі ў Бураціі.

МЗС пацвердзіў факт гібелі грамадзянкі Беларусі ў выніку няшчаснага выпадку, які адбыўся ў расейскай Бураціі. Там расказалі падрабязнасці здарэння.

«Паводле папярэдніх звестак, група з пяці беларускіх турыстаў здзяйсняла сплаў па рацэ. У лодцы знаходзілася шлюбная пара. Жанчына выпала за борт, муж паспрабаваў выратаваць яе, скокнуўшы ў ваду, але, на жаль, выратаваць яе не ўдалося. Мужчына самастойна выбраўся на бераг», — распавялі ў МЗС.

Астатнія чальцы групы не пацярпелі. Беларускія турысты застаюцца на месцы пад наглядам ратавальнікаў.

Паводле інфармацыі МНС Расеі, на працягу бліжэйшых 36 гадзін плануецца эвакуацыя.

«МЗС і пасольства Беларусі ў Расейскай Федэрацыі знаходзяцца ў пастаянным кантакце з мясцовымі органамі ўлады, выратавальнымі службамі. Сітуацыя знаходзіцца на асаблівым кантролі», - падкрэслілі ў ведамстве.

Нагадаем, як паведамілі ў МНС Бураціі, двое беларусаў упалі ў ваду ў месцы зліцця рэк Кітой і Білюты. Цела загінулай жанчыны было знойдзена турыстамі, мужчыну знесла плынь. Пазней яго знайшлі жывым і ў прымальным стане.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com