Двухрублёвую манету ў Беларусі прадалі за 460 рублёў

Што ў ёй асаблівага?

На анлайн-аўкцыёне ay.by 8 верасня быў прададзены незвычайны лот — 2-рублёвая манета з вытворчым дэфектам. За яе пераможца таргоў заплаціў 460 рублёў. Намінал манеты — усяго 2 рублі, аднак з-за рэдкага дэфекту калекцыйная вартасць вырасла ў сотні разоў, піша «Онлайнер».

Паводле інфармацыі прадаўца, манета цалкам белага колеру — верагодна, падчас яе чаканкі пераблыталі загатоўкі металаў. У каментарах да лота некаторыя калекцыянеры сумняваліся ў сапраўднасці рэдкасці і спрачаліся наконт яе рэальнай вартасці. Тым не менш канчатковая цана ў 460 рублёў паказала, што цікавасць да манеты высокая.

Журналісты спыталі Усевалада Юргенсана, навуковага супрацоўніка Акадэміі навук, ці сапраўды гэта манета ўяўляе каштоўнасць?

— Так, гэта сапраўды брак — адсутнасць плакіроўкі на вонкавым кольцы манеты. Што да кошту, я думаю, яна вартая тых грошай, якія за яе заплацілі, бо кошт манетных бракаў вельмі індывідуальны і вызначаецца менавіта падчас аўкцыёнаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com