У Беларусі маштабна праверылі «Светофор»

Закрылі 31 краму і вывелі з абароту больш за 14,6 т небяспечнай прадукцыі.

Санэпідслужба ў жніўні правярала гандлёвую сетку «Светофор». Выявілі сістэмныя парушэнні ў гандлёвых аб'ектах чатырох кампаній, паведамляе Рэспубліканскі цэнтр гігіены, эпідэміялогіі і грамадскага здароўя.

Праверкі ў жніўні праводзіліся ў крамах сеткі «Светофор», якія належаць фірмам «ВитебскПродуктСервис», «ГомельПродуктСервис», «ЛенПродуктСервис» і «МосПродуктСервис».

«На ўсіх без выключэння правераных аб'ектах выяўлены парушэнні санітарна-эпідэміялагічных патрабаванняў, што сведчыць пра сістэмны характар праблем ва ўсёй гандлёвай сетцы», — паведамілі ў санэпідслужбе.

Больш за 60% парушэнняў — недахопы ў сістэме вытворчага кантролю, адсутнасць умоў для захавання правілаў асабістай гігіены персаналу, парушэнні правілаў выкладкі і захоўвання.

Яшчэ амаль 14% — праблемы з утрыманнем гандлёвых залаў, складскіх зон і халадзільнага абсталявання.

Таксама фіксаваліся парушэнні ўмоў захоўвання прадукцыі (8,2%), рэалізацыя небяспечнай прадукцыі і прадукцыі негарантаванай якасці (7,5%), парушэнні ў частцы маркіроўкі тавараў (6,1%), парушэнні тэрмінаў прыдатнасці прадукцыі (1,6%), адсутнасць медыцынскіх даведак у персаналу (2,0%).

«У межах лабараторнага суправаджэння МТХ пацверджана патэнцыйная небяспека 9,4% даследаваных узораў харчовай і нехарчовай прадукцыі», — дапоўнілі ў санэпідслужбе.

Па выніках праверкі выведзена з абароту больш за 14,6 т небяспечнай прадукцыі, прыпынена эксплуатацыя 31 гандлёвага аб'екта (кожнага трэцяга з правераных) да «ўстаранення парушэнняў, якія ствараюць непасрэдную пагрозу здароўю спажыўцоў».

Да адміністрацыйнай адказнасці прыцягнуты юрыдычныя і службовыя асобы, выдадзена 36 прадпісанняў аб устараненні выяўленых парушэнняў.

Праведзеныя мерапрыемствы выявілі сістэмны крызіс вытворчага кантролю ў гандлёвай сетцы «Светофор». Парушэнні носяць не адзінкавы, а паўсюдны характар, падкрэслілі ў санэпідслужбе. Там паабяцалі працягнуць маніторынг дадзенай сеткі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com