Пачаліся расійска-беларускія вучэнні «Захад-2025»

Польшча ў адказ перакідвае войскі да сваіх усходніх межаў.

Пачаліся сумесныя стратэгічныя вучэнні Узброеных Сіл Беларусі і Расіі «Захад-2025», паведамілі 12 верасня ў прэс-службе Мінабароны.

Гэтыя вучэнні «з'яўляюцца завяршальным этапам сумеснай падрыхтоўкі ўзброеных сіл дзвюх краін у бягучым годзе», адзначылі ў расійскім вайсковым ведамстве.

На першым этапе манеўраў вайскоўцы адпрацуюць пытанні кіравання злучэннямі і вайсковымі часцямі «пры адбіцці агрэсіі супраць «саюзнай дзяржавы», арганізацыі ўзаемадзеяння і ўсіх відаў забеспячэння ў інтарэсах выканання задач па прызначэнні».

«Асноўным зместам другога этапу стане кіраванне войскамі і сіламі пры аднаўленні тэрытарыяльнай цэласнасці «саюзнай дзяржавы», разгроме праціўніка, у тым ліку з удзелам кааліцыйнай групоўкі войскаў (сіл) сяброўскіх дзяржаў», — адзначылі ў расійскім вайсковым ведамстве.

Практычныя дзеянні войскаў пройдуць на палігонах на тэрыторыі Беларусі і Расіі, а таксама ў акваторыях Балтыйскага і Барэнцавага мораў.

Намеснік міністра нацыянальнай абароны Польшчы Цэзары Томчык паведаміў, што ў бліжэйшыя дні «на польскіх межах будзе каля 40 тысяч салдат».

Манеўры «Захад-2025» запланаваныя на 12–16 верасня і будуць першымі з моманту пачатку паўнамаштабнага ўварвання Расіі ва Украіну. Манеўры адбудуцца, у прыватнасці, у Гродне і Правдінску, недалёка ад польскай мяжы.

«Памятайма, што «Захад-2025» — гэта наступальныя вучэнні. З іх пачалася вайна ва Украіне, а таксама агрэсія супраць Грузіі. У сувязі з гэтым польскае войска да гэтага рыхтавалася. У бліжэйшыя дні ў нас на мяжы будзе каля 40 тысяч салдат», — падкрэсліў польскі віцэ-міністр.

Падчас манеўраў Расія плануе выкарыстаць гіпергукавыя ракеты «Арэшнік» і правесці імітацыю прымянення ядзернай зброі.

Міністэрства абароны Літвы папярэджвае, што вучэнні могуць уключаць у сябе праверку гатоўнасці Заходняй вайсковай акругі і Балтыйскага флоту. «Улічваючы недахоп салдат і абсталявання, Расія можа выкарыстаць свой ядзерны патэнцыял», — заявіў брытанскі аналітычны цэнтр Chatham House.

У манеўрах возьмуць удзел да 30 тысяч салдат, з якіх 6–8 тысяч будуць дыслакаваныя ў Беларусі.

Нагадаем, у сувязі з вучэннямі «Захад-2025» Польшча бестэрмінова закрыла мяжу з Беларуссю. Пункты пропуску перасталі працаваць а 1.00 (па мінскім часе) 12 верасня.

Міністр унутраных спраў і адміністрацыі Польшчы Марцін Кервіньскі удакладніў, што мяжа з Беларуссю будзе закрыта не на час правядзення вучэнняў «Захад», а ў сувязі з імі: «Тэрмін закрыцця мяжы — бестэрміновы. Мы будзем пастаянна аналізаваць сітуацыю».

Пры гэтым міністр падкрэсліў, што польскі бок не мае намеру «трымаць мяжу закрытай нават адзін дзень без неабходнасці».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com