Рэжым вызваліў яшчэ 25 чалавек

Сярод іх ёсць палітвязні.

Напярэдадні «Дня народнага адзінства» узурпатар Аляксандр Лукашэнка прыняў рашэнне аб памілаванні 25 чалавек, асуджаных у тым ліку за «злачынствы экстрэмісцкай накіраванасці», паведамляе прэс-служба дыктатара.

Адпаведны ўказ узурпатар падпісаў 16 верасня.

«Сярод памілаваных 12 жанчын і 13 мужчын; 19 чалавек ва ўзросце да 40 гадоў. Многія з іх маюць дзяцей, а адна асуджаная з'яўляецца шматдзетнай маці. Адзін з памілаваных здзейсніў злачынства ў непаўналетнім узросце», — паведамілі ў прэс-службе дыктатара.

Нагадаем, 11 верасня былі вызвалены 52 беларускія палітвязні. Яны выехалі ў Літву. Вызваленне адбылося пасля сустрэчы Лукашэнкі з намеснікам спецпрадстаўніка прэзідэнта ЗША Джонам Коулем. Таксама ў Мінск прыехаў намеснік памочніка дзяржаўнага сакратара ЗША па Еўропе Крыс Сміт. Пазней стала вядома пра зняцце санкцый з авіякампаніі «Белавія».

Лідар беларускай апазіцыі Мікалай Статкевіч адмовіўся пакідаць Беларусь падчас прымусовай дэпартацыі палітвязняў у Літву. На мяжы ён выбіў дзверы аўтобуса, у якім везлі зняволеных, і выбег на тэрыторыю Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com