Польшча адкрывае мяжу з Беларуссю

(Абноўлена) Мяжа адкрыецца ў ноч на 25 верасня.

Прэм’ер-міністр Дональд Туск заявіў, што Польшча адкрывае мяжу з Беларуссю. Сёння, 23 верасня, кіраўнік МУС выдасць спецыяльнае распараджэнне.

«Мы прынялі рашэнне разам з міністрам унутраных спраў, які сёння выдасць адпаведнае распараджэнне аб паўторным адкрыцці чыгуначных і аўтамабільных памежных пераходаў [з Беларуссю], якія былі закрытыя ў сувязі з вучэннямі «Захад» і ростам пагрозы і палітычнай нестабільнасці каля нашай мяжы», — паведаміў прэм’ер-міністр Дональд Туск.

Прэм’ер Польшчы паведаміў, што мяжа будзе адкрытая ў ноч на 25 верасня.

Туск заявіў, што Польшча гатовая зноў закрыць мяжу, калі пагроза з боку Беларусі будзе нарастаць.

Заўважым, мяжа Польшчы з Беларуссю была закрытая ў ноч на 12 верасня, калі ў нашай краіне стартавалі вучэнні «Захад-2025». Закрыццё мяжы прывяло да блакады транзіту кітайскіх грузаў у Еўропу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com