Кіраўнік МУС Польшчы падпісаў распараджэнне аб адкрыцці мяжы з Беларуссю

Мяжа адкрыецца апоўначы 25 верасня.

Міністр унутраных спраў і адміністрацыі Польшчы Марцін Кервіньскі падпісаў у аўторак распараджэнне аб аднаўленні памежнага руху з Беларуссю.

Пра гэта паведаміла прэс-служба польскага МУС.

Згодна з распараджэннем, адкрыццё памежных чыгуначных і аўтамабільных пунктаў пропуску на мяжы Польшчы і Беларусі ўступіць у сілу апоўначы ў чацвер, 25 верасня.

«Як мы і анансавалі, пасля дбайнага аналізу, праведзенага на падставе інфармацыі, атрыманай ад службаў, мы зноў адкрываем мяжу. Мы пастаянна маніторым сітуацыю», — сказаў Кервіньскі.

Пра адкрыццё мяжы з Беларуссю раней у аўторак анансаваў прэм'ер-міністр Польшчы Данальд Туск.

З 12 верасня ўсе пункты пропуску на мяжы Польшчы з Беларуссю заставаліся закрытымі. Прыпыненне памежнага руху дзейнічала ў абодвух напрамках — выезду з Польшчы ў Беларусь і наадварот — з-за расійска-беларускіх ваенных вучэнняў «Захад-2025».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com