У Румыніі затрымалі былога намесніка кіраўніка разведкі Малдовы, якога завербаваў КДБ Беларусі

Чэхія, Венгрыя і Румынія раскрылі беларускую шпіёнскую сетку ў Еўропе.

У межах раследавання шпіёнскай сеткі Беларусі румынскія праваахоўнікі затрымалі яе ўдзельніка — былога намесніка кіраўніка Службы інфармацыі і бяспекі Малдовы Аляксандра Балана.

Пра гэта паведамляе Digi24.

Упраўленне па расследаванні арганізаванай злачыннасці і тэрарызму Румыніі паведаміла, што затрыманы з 2024 года працаваў на Камітэт дзяржаўнай бяспекі Беларусі і двойчы сустракаўся з афіцэрамі беларускай разведкі ў Будапешце.

Да гэтага Балан займаў кіраўнічыя пасады ў малдаўскай спецслужбе — Службе інфармацыі і разведкі, а ў 2016 годзе стаў намеснікам яе кіраўніка.

Паводле звестак крыніц Digi24 у румынскіх спецслужбах, кар’ернаму росту Балана паспрыяў алігарх-уцекач і былы лідар Дэмакратычнай партыі Малдовы Улад Плахатнюк.

Таксама, як сцвярджае Digi24, Балан супрацоўнічаў са спецслужбамі Расіі. Кантакты з беларускай разведкай ён наладзіў, бо яе агентам цяпер лягчэй перамяшчацца па ЕС, чым расійскім.

Балан належаў да той самай сеткі, пра раскрыццё якой раней у панядзелак абвясціла Чэхія. Яна таксама абвясціла аднаго супрацоўніка пасольства Беларусі персонай нон грата з-за датычнасці да шпіянажу.

Нагадаем, у сакавіку Генеральная пракуратура Літвы перадала ў суд справу, паводле якой двое грамадзян краін абвінавачваюцца ў шпіянажы на карысць Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com